影片
更多
2024-01-26
29 浏览
Weekend揀咗銅鑼灣呢間餐廳食個靚靚Brunch～餐廳掛滿黑膠唱片，背景音樂係好舒服的爵士樂，感覺好chill好relax🥰Mercury Recalls All Day Breakfast $128All day的份量都幾大份，成隻碟擺滿晒，感覺好飽滿😌Main 二揀一揀咗慢煮美國雞胸肉，食落唔鞋，但亦唔算嫩滑，呢塊雞胸還可以啦。牛角酥真係好酥脆，勁香牛油味，好好食。芝士焗薯都幾特別，好少係all day見到芝士焗薯，芝士味道細膩濃郁，薯仔綿密，呢款都幾好食😋青蘋果酸酸甜甜，蕃薯有少少結實，鷹嘴豆味道都唔錯，沙律菜正常發揮。香芒魚柳 配 北非小米沙律 $148無諗過魚柳會咁大塊，魚皮煎得好香脆，魚肉都幾鮮嫩，配酸酸甜甜的芒果牛油果莎莎，食落味道好有層次。小米沙律味道偏淡，全靠芒果莎莎帶起味道，不過小米一粒粒咁都幾有口感。跟餐 是日餐湯 & 田園沙律餐湯係蕃茄湯，味道香甜，口感順滑。沙律的sauce甜甜哋都幾好食，幾fresh。揀完main 再揀咗兩款小食：金沙薯條 +$28鹹蛋黃薯條夠哂香脆，食到蛋香但又唔會好鹹，份量又夠多，呢款薯條的確唔錯👍🏻水牛城雞翼 +$38雞翼表面的醬汁
Weekend揀咗銅鑼灣呢間餐廳食個靚靚Brunch～餐廳掛滿黑膠唱片，背景音樂係好舒服的爵士樂，感覺好chill好relax🥰
Mercury Recalls All Day Breakfast $128
All day的份量都幾大份，成隻碟擺滿晒，感覺好飽滿😌
Main 二揀一揀咗慢煮美國雞胸肉，食落唔鞋，但亦唔算嫩滑，呢塊雞胸還可以啦。
牛角酥真係好酥脆，勁香牛油味，好好食。芝士焗薯都幾特別，好少係all day見到芝士焗薯，芝士味道細膩濃郁，薯仔綿密，呢款都幾好食😋
青蘋果酸酸甜甜，蕃薯有少少結實，鷹嘴豆味道都唔錯，沙律菜正常發揮。
香芒魚柳 配 北非小米沙律 $148
無諗過魚柳會咁大塊，魚皮煎得好香脆，魚肉都幾鮮嫩，配酸酸甜甜的芒果牛油果莎莎，食落味道好有層次。小米沙律味道偏淡，全靠芒果莎莎帶起味道，不過小米一粒粒咁都幾有口感。
跟餐 是日餐湯 & 田園沙律
餐湯係蕃茄湯，味道香甜，口感順滑。沙律的sauce甜甜哋都幾好食，幾fresh。
揀完main 再揀咗兩款小食：
金沙薯條 +$28
鹹蛋黃薯條夠哂香脆，食到蛋香但又唔會好鹹，份量又夠多，呢款薯條的確唔錯👍🏻
水牛城雞翼 +$38
雞翼表面的醬汁好濃厚，食落濃味，味道唔辣，仲有少少甜味，好啱我口味。雞翼本身都幾大隻，炸得外脆內軟，雞肉都juicy，正呀🤤
Mercury Recalls by Lost Stars (銅鑼灣)
銅鑼灣百德新街51號華爾大廈地下A號舖
*上述文章只供參考及以當時價格為準
张贴
