月華

营业中

休息中

呢間新開嘅串燒店似足京都後巷嗰啲秘店，牆身黢黑，配上木制枱櫈，有一種好「大人」嘅居酒屋氛圍。 🍅前菜凍番茄冰涼爆汁，好醒胃🥢梅醬鮫魚軟骨脆卜卜帶酸香，咬落「索索」聲🥗芫茜白葱沙律芫茜白葱絲甜辣交織，加上鏗魚汁，清爽得嚟有性格。 🍢主角串燒全部即叫即燒，師傅對住炭爐心無旁騖，慢工出細貨，等嘅時間正好同朋友摸住杯底吹水。 🍢雞胸肉: 驚艷！選用刺身雞，燒至半生熟，嫩滑帶汁🍢雞翼: 皮脆肉嫩🍢大葱雞肉/京葱葱段燒到微焦juicy, 雞腿肉嫩滑🍢免治雞肉棒即場手打肉混軟骨，用心制作的手工菜🍢鰻魚皮脆，魚肉油脂豐富🍢橫膈膜野菜卷牛橫膈膜肉配搭蔬菜，肉香夾住蔬甜🍢鹿兒島A5和牛肉眼炭香封印咗和牛油脂，入口即溶但唔膩🌟一品料理🐤特製走地雞選用日本名雞，肉質彈牙紮實，好有口感。🐟照燒銀鱈魚魚油豐腴到漏，照燒汁甜中帶香🌟埋單嗌飽但唔滯，暗黑格局反而令人專注食物同對話，即燒慢工帶出食物質感。