同一般既居酒屋唔同，Mizu既裝修時尚型格，充滿現代感。室外有靚靚打卡位，而室內空間好闊落，每張枱都寬敞舒適，坐係卡位私隱度高，用餐體驗舒服。晚市可散叫或選擇廚師發辦，套餐價位由$288至$688，CP值唔錯✅ 而散叫就比較多選擇，由和食﹑海鮮﹑串燒﹑飯麵至甜品都應有盡有。
和食
♢ 🐡爐燒雞泡魚干 $78
魚干熱辣辣送上，燒過後十分香口！醬汁甜甜地，口感軟腍，幾開胃既一道前菜。
♢ 🔥爐燒明太子 $98
平時食明太子都係凍食，第一次試熱食~ 明太子口感辛辣，配上紫蘇葉增添特別香氣，滿足哂我呢個紫蘇葉控！
♢ 🐓日式鳥立田揚 $88
唔好睇呢碟日式炸雞外表平凡，原來係用左三黃雞架！雞肉肉質嫩滑，味道鮮美，炸得香脆可口。仲有日本青椒仔伴碟，新鮮爽脆。
🔥串燒
♢ 秘製雞肉棒棒 $58
Mizu招牌串燒，必試！免治雞肉肉質鬆軟，雞味濃郁，配上蘭王蛋黃同醬汁，令到味道更富層次感，簡直無得彈！店員溫馨提示蛋黃醬可以留返一陣點飯團食，完全唔會浪費珍貴既蛋黃~
♢ 日本華味鳥手羽先 $42
華味鳥係九州名物，雞翼大大隻，外皮塗上特製醬汁燒得香脆，肉質夠嫩滑，非常唔錯。
♢ 三黃雞腿肉 $48
再次用左三黃雞，雞腿肉啖啖肉好嫩滑，雞皮充滿油香，燒得香脆，極正😋 師傅用心將雞皮捲起雞肉，包入少量香蔥，口感更豐富。另外仲有薑片伴碟，可一解雞皮之油膩。
♢ 雞柳(鹽味) $48
同雞腿肉相比，雞柳肉質比較扎實。師傅加左鹽同wasabi調味，少少辛辣口感好過癮！
♢ 日本九州香草雞腎 $38
雞腎無燒到全熟，所以食落口感更脆口，簡單用黑椒﹑香草調味已經好好食。
♢ 紫蘇雞肉串 $48
又係我最愛既紫蘇葉！今次係包住免治雞肉，口感鬆軟，散發濃厚紫蘇香氣，絕配！
♢ 安格斯牛小排 $68
牛小排肉質鮮美，充滿肉汁，簡單用黑椒﹑香蔥調味已經好香口。
♢ 純豚五花腩 $48
五花腩層次分明，滿佈油脂，入口有濃烈既焦香味，超正！
♢ 日本豆腐燒$38
豆味特別香濃，外層燒得香脆，內裡非常嫩滑，做到外脆內嫩，加埋柴魚絲口感更豐富！
飯類
♢ 🍙燒明太子飯團 $48
飯團燒至金黃色，微微焦香，夠哂脆口！明太子釀係飯團入面，少少辛辣口感好正~ 店員教我地可以試下點岩岩既蛋黃醬，增添風味。然後可以將飯團放入茶湯中，變成茶漬飯，同樣出色！
飲品
♢ 🍺Orion生啤 $68
生啤做緊買二送一優惠，抵飲！有沖繩Orion同惠比壽生啤揀，Orion啤口感柔順，容易入口。
估唔到係cafe食到既串燒質素極高😍 呢餐有驚喜~ 聽講Mizu既午市套論同下午茶都好正，有機會再黎試下🥹
