影片
更多
2018-08-19
257 浏览
好朋友請食飯，佢話有好推介，就喺佢公司附近。好！就同你去試下。餐廳喺535 Tower, 即係世貿旁邊。第一次上去，棟building 入面感覺好cyber,而餐廳就喺3樓。3樓亦係升降機大堂，平時呢個位置通常用嚟開Starbucks或者Pacific Coffee，但係今次，我哋嘅主角就係眼前呢間以萬子夾做招牌logo嘅Appendix Coffee & Bar!成間餐廳無論裝修，擺設同枱枱櫈櫈都好型格，相信老闆花咗唔少心機喺呢度。朋友話呢度開業無耐，中午會有set lunch，但晚間則主要賣Cocktail 同西班牙小食。Cocktail有10幾款選擇，全部啲名字都充滿玩味，大部份都係用職業嚟提名，有PR, Doctor 同Auditor 等，價錢大概$100左右。最後我地揀左 "PR" 同 "二世祖" ~之後再問Waiter哥哥有咩推介嘅小食，佢話交比佢發板，勁Nice ~!PR Shum - 由2款甜酒加檸檬同蛋白，酒精味唔濃，有啲似雲呢拿香味，容易入口，啱晒女士們。2G Rich Kid - 個金叵羅造型100分，我哋叫做佢二世祖，由菠蘿醋，蜜糖，薄菏，lime混合一齊，酸酸
成間餐廳無論裝修，擺設同枱枱櫈櫈都好型格，相信老闆花咗唔少心機喺呢度。
朋友話呢度開業無耐，中午會有set lunch，但晚間則主要賣Cocktail 同西班牙小食。Cocktail有10幾款選擇，全部啲名字都充滿玩味，大部份都係用職業嚟提名，有PR, Doctor 同Auditor 等，價錢大概$100左右。最後我地揀左 "PR" 同 "二世祖" ~之後再問Waiter哥哥有咩推介嘅小食，佢話交比佢發板，勁Nice ~!
PR Shum - 由2款甜酒加檸檬同蛋白，酒精味唔濃，有啲似雲呢拿香味，容易入口，啱晒女士們。
2G Rich Kid - 個金叵羅造型100分，我哋叫做佢二世祖，由菠蘿醋，蜜糖，薄菏，lime混合一齊，酸酸甜甜，飲完好開胃！waiter哥哥仲話塊菠蘿干都可以食㗎！
Pincho $18 - Pincho 係西班牙傳統小食，上面有番茄醬，橄欖同西班牙火腿，正！另一款口味就係辣肉腸，食完好開胃！
Garlicia Padron Pepper $64 -呢個係墨西哥嚟嘅青椒，用咗海鹽去調味，送酒一流啊！
Ham Croquettes $45 - 依個係西班牙版嘅炸薯波，入面好creamy, 但又唔會覺得好油膩！
Baked Egg and Mash $78 - waiter哥哥話依個係英國嘅傳統小食，但佢哋加咗啲西班牙元素入去，用蛋撈勻左煙肉粒同薯蓉，伴埋麵包粒一齊食，呢個非常飽肚！
Secret Menu 嘅 mini burger - 依個係侍應哥哥嘅隱藏推介，佢話主角並唔係個burger，而係旁邊廚師親自秘製嘅青瓜。果然，食落好甜，同平時食開嗰啲好唔同！
Popping Tiramisu $42 - 依個tiramisu 大大杯，好抵食，底下有好濃烈嘅酒香味，上邊好創新咁加咗爆炸糖，感覺好特別！
兩個人加埋食咗咁多野都唔使$600就埋單，食品質素極高，環境又舒服，下次再嚟試吓佢個lunch先。
张贴
