影片
更多
2022-10-30
19 浏览
尖沙咀天文臺道一向酒吧林立, 近日係IG見到果頭有間好型格既日式居酒屋, 近年喜歡飲清酒既我梗係要去幫襯下啦~ 黎到餐廳門口已經好有氣勢, 可以經樓梯上, 一入到去就有係有日本庭院feel, 放有達摩不倒翁, 另外亦可以經寶軒酒店搭電梯上去。一入到去就好有日本Feel, 餐廳分3個主題區, 近吧臺是現代型格日本風, 以紅色作主食, 牆上是浮世繪風格的壁畫, 中間是霓虹燈, 另一邊則是傳統風格的和風紙門。 訂座時特別講咗希望可以安排坐半圓式既特色坐位, 好開心餐廳真係安排到, 覺得好靚同埋私隱度高D~ 黎得居酒屋, 第一件事梗係order 飲品先啦, 呢度好多款酒類飲品, 清酒當然為主, 但都有啤酒、紅白酒,梅酒呢D, 而雖然鍾意飲, 但其實對清酒既認識唔係好深 所以問吓侍應有咩推介, 佢推介咗山田錦純米酒($580/ 720ml) 比我地, 呢支比較辛口,精米步合有80%, 唔太甜, 啱我地口味~ 串燒選擇好多,樣樣都係即叫即燒, 熱焫焫好好味, 睇番D 相先知我地叫咗唔少😂🥢前菜九宮格 九宮格呢個前菜好靚, 好有儀式感, 師傅會根據每日新鮮食材而決定九宮格的款式, 所以每次都
黎到餐廳門口已經好有氣勢, 可以經樓梯上, 一入到去就有係有日本庭院feel, 放有達摩不倒翁, 另外亦可以經寶軒酒店搭電梯上去。一入到去就好有日本Feel, 餐廳分3個主題區, 近吧臺是現代型格日本風, 以紅色作主食, 牆上是浮世繪風格的壁畫, 中間是霓虹燈, 另一邊則是傳統風格的和風紙門。
訂座時特別講咗希望可以安排坐半圓式既特色坐位, 好開心餐廳真係安排到, 覺得好靚同埋私隱度高D~
黎得居酒屋, 第一件事梗係order 飲品先啦, 呢度好多款酒類飲品, 清酒當然為主, 但都有啤酒、紅白酒,梅酒呢D, 而雖然鍾意飲, 但其實對清酒既認識唔係好深 所以問吓侍應有咩推介, 佢推介咗山田錦純米酒($580/ 720ml) 比我地, 呢支比較辛口,精米步合有80%, 唔太甜, 啱我地口味~
串燒選擇好多,樣樣都係即叫即燒, 熱焫焫好好味, 睇番D 相先知我地叫咗唔少😂
🥢前菜九宮格
九宮格呢個前菜好靚, 好有儀式感, 師傅會根據每日新鮮食材而決定九宮格的款式, 所以每次都會有D 唔同, 今次有北寄貝、鮑魚、汁煮牛舌、煎蛋、合桃魚乾、海膽、牛蒡、蝦沙律同紅酒蕎頭, 全部都好唔錯, 份量2個人剛剛好, 而且試到好多款式, 啱晒貪心既人, 最surprise 係有海膽同鮑魚, 足見材料一d 都唔馬虎!
🥢串燒:
再來就係主食串燒, 我地叫咗好多, 包括: 海膽松葉蟹蓋甲羅燒、雞翼、汁燒牛肋、白鱔、露筍豬肉卷、翠肉瓜、日本蕃薯、粟米、秋葵、芝士年糕、三文魚燒飯團。
呢個甲羅燒除咗有松葉蟹蟹膏及蟹肉外, 仲加入埋海膽, 令味道更鮮, 再加埋味噌, 一黎到就香味四溢, 上到台就急不及待𢳂黎食
個白鱔燒得皮微脆, 但魚肉仲係好嫩滑, 白鱙既肥味感充滿口腔 🤤
汁燒牛肋好食, 醬汁入味, 而且牛味香濃, 好啱送酒 😂
另外個燒飯團都好正, 燒得表面香脆, 有飯焦的口感，正😄
张贴
