焼き鳥。来 (已結業)

最近太子開左好多串燒店每一間都各有特色而呢間燒鳥來亦都係其中一間非常之吸引我嘅去試嘅餐廳呢間餐廳用上銀色cyber feel型格裝修同一般嘅串燒店感覺好唔同而呢一間餐廳係屬於外賣店所以買完之後我都拎咗返屋企食可能正正因為佢係外賣店所以價格都比較親民十幾蚊就有交易全部即叫即燒🔸紫蘇雞中翼燒雞翼食得多，但係加埋紫蘇嘅燒雞中翼就第一次食雞中翼已經做咗去骨嘅處理，所以食落啖啖肉，紫蘇嘅味道清香，而且帶有一陣獨特嘅味道，味道滲透到雞肉裏面，感覺一試難忘。🔸日本雞肝寫明係日本嘅雞肝，食得特別放心。而去串燒店食燒雞肝，就特別是試到師傅嘅功架！呢度嘅燒雞肝外層香脆，入面仲係保留住粉嫩口感，而且唔會有腥味，唔錯！🔸 金菇肥牛卷金菇同牛肉不嬲都係好拍檔，肥牛嘅油脂帶到金菇嗰度，令到金菇食落特別惹味，而金菇清爽嘅口感又會減低左食肥牛嘅油膩。而呢度嘅金菇牛肉卷最特別嘅地方就係佢會將金菇嘅長度整到同牛肉一樣，避免金菇燒得過火。🔸雞肉軟骨棒配日本蛋燒肉只要加上雞蛋，口感都會特別順滑。而呢度嘅雞肉軟骨棒本身已經有軟骨嘅口感，第一啖先就咁食，雞肉嘅味道相對突出，第二啖加上蛋漿，令到口感唔同晒，一款食物，兩種食法。