影片
更多
2020-08-23
1945 浏览
去尖沙咀行街，見呢間米芝蓮一星，又咁多好評，就決定一戰。本身上openrice見到有餐，價錢唔叫貴，就想試下。本身我朋友到先，我想坐入去，但個位勁窄入去都好有困難，明明唔係搭檯但又同隔離檯又痴到勁埋，唔知想點。睇清楚個餐牌，原來個餐有好多野唔啱食，惟有放棄啦。個fd又堅持話想食佢sell到勁行嘅蟶子，咪試下囉。最尾叫左個興化炒米粉，扁肉湯，鐵板焗蟶子同蒜蓉蒸蟶子。米粉好幼，都好入味，叫做ok，因為好乾身嘅關係，我食大啖少少已經有哽親嘅感覺。個扁肉湯，啲肉係ok，個湯酸酸地，可能食嗰吓我唔預佢係酸，所以我冇食太多。鐵板焗蟶子，賣相好靚，熱辣辣，但個殼易碎，而且keep住有沙，每食一隻都要吐咁啲碎出黎。咁樣煮幾有新鮮感，但真心味道其實冇乜特別。蒜蓉蒸蟶子就普通貨仔，唔夠味同都係有沙，普通酒樓都做到好好食嘅菜，呢度真心唔合格。埋單都四百蚊，坐得唔舒服，我仲要都幾唔飽下。。。叫了貴嘅菜式蟶子但唔好食。。。整體亦唔叫好食。咁多好評我真心懷疑啲人冇食過好野。。不推薦俾大家。。。
米粉好幼，都好入味，叫做ok，因為好乾身嘅關係，我食大啖少少已經有哽親嘅感覺。
個扁肉湯，啲肉係ok，個湯酸酸地，可能食嗰吓我唔預佢係酸，所以我冇食太多。
鐵板焗蟶子，賣相好靚，熱辣辣，但個殼易碎，而且keep住有沙，每食一隻都要吐咁啲碎出黎。咁樣煮幾有新鮮感，但真心味道其實冇乜特別。
蒜蓉蒸蟶子就普通貨仔，唔夠味同都係有沙，普通酒樓都做到好好食嘅菜，呢度真心唔合格。
埋單都四百蚊，坐得唔舒服，我仲要都幾唔飽下。。。叫了貴嘅菜式蟶子但唔好食。。。整體亦唔叫好食。咁多好評我真心懷疑啲人冇食過好野。。不推薦俾大家。。。
张贴