風雲排檔

星期五約咗兩個朋友食晚飯，幾個人又好耐冇食中菜，見到呢間前身係食麻辣嘢嘅轉型做咗大排檔小炒，一於嚟試吓。
花多眼亂都好多餸菜選擇，其中避風塘小炒好多配搭，因為椒鹽九肚魚都幾難煮，見到佢有所以叫嚟試，調味啱啱好，九肚魚又唔炸到爛晒，好味呀。

椒鹽九肚魚

見到餐牌第一行係乳鴿，即刻叫嚟試。

叫完海鮮叫咗個肉，梗係要叫個菜啦，佢有金銀蛋莧菜，鹹蛋黃都好足夠，正呀。

即係港式小炒，京都豬扒，酸酸甜甜，豬扒份量好多。

呢個薑蔥魚腩煲，足料，又夠薑，又夠蔥去爆，惹味。

叫咗啤酒同埋菠蘿冰，菠蘿冰上枱勁大杯，飲品都多選擇。