大澳德發 (已結業)

12月係普天同慶嘅大日子，有籍口約朋友食餐聖誕飯，想試吓呢間新嘢，中式大排檔小炒 ，銅鑼灣地鐵站一出行過去好方便，上下兩層，好多卡位，冇限時啱曬傾計👍 我哋點左：頭抽乾煎海中蝦椒鹽鮑魚椒鹽金磚脆豆腐啫啫芥蘭拔絲菠蘿咕嚕肉❣️蝦新鮮夠大隻好香口、豉油味濃😋❣️鮑魚以椒鹽方式處理，彈牙爽口👍❣️ 金磚脆豆腐係必食推介，真係夠曬香脆裡面熱辣辣❤️❤️👍❣️拔絲咕嚕肉期望過大，冇乜大驚喜，肉大大件 ，可以再炸鬆脆啲，少啲洋蔥、多啲菠蘿🍍整體環境ok、鑊氣夠、乾淨企理，食完坐車返屋企都好方便，下次再黎試真啲食埋其他嘢食❤️