立鮨 (黃埔天地) (已結業)

立鮨以前係立食，原來而家有凳坐啦。收工去黃埔嗰邊搵嘢食，發現佢開到嚟黃埔 。喺門口睇咗陣Menu，價錢原來唔貴，而且選擇又多。我哋入到去坐咗喺吧枱，睇住師傅收咗order之後喺面前新鮮製作，即整即食 。天草真蠔 $38 🦪蠔肉新鮮而且口感豐潤，帶有濃烈吧海洋鮮味 。火炙秋刀魚壽司 $29 🐟依家仲算係秋刀魚季節，火炙處理過嘅秋刀魚更加鮮美 。極上壽司盛盒 $188 🍣裡面包含多種類型的壽司，厚切嘅拖羅咬落無根，非常新鮮 。海膽嘅紫菜唔會太鹹搶走咗海膽嘅甜味 。特選三文魚盛盒 $68品嚐咗唔同口感嘅三文魚，有小圈、辣味、魚腩同炙燒，口感豐富。嚴選火炙盛盒 $115🔥火炙處理帶出咗魚嘅油份，令到魚身更加滑，食落有層次感。最鍾意係燒過嘅左口魚，油份喺口腔有爆出嚟嘅感覺 。三文魚籽海膽大滿足迷你丼 $118 雖然細細碗但每一啖都鮮味十足，最鍾意三文魚籽爆開再混合海膽嘅感覺 。