湊湊火鍋‧茶憩 (家樂坊)

醒目同事發現左湊湊火鍋原來有lunch set，一於去試試！餐廳位於家樂坊地庫，佔地好大，座位寬闊，枱與枱之間相隔嘅距離都唔少，裝橫新派，而且感覺非常乾淨，係疫情下嘅好地方。

2

Menu from 湊湊火鍋．茶憩 Facebook  Page

原本想食眷村牛肉麵但冇左所以揀左台式鹵三寶拌麵。嘩！好多料，配菜仲好吸引添！有麻辣鴨血、麻辣滷豆腐、鹵蛋、中華沙律、粟米伴滷肉。麻辣鴨血既爽又入味又有咬口，係我至愛！鹵三寶拌麵有牛肚、牛腩同牛筋，牛筋超淋骨膠原感爆燈，滷汁拌帶點硬而富有口感嘅麵非常唔錯。

台式鹵三寶拌麵

$108

同事嘅酸菜魚麵望落好decent。配菜有少少唔同，中華沙律換成涼拌魚皮，魚皮晶瑩剔透，雖然可見魚皮嘅紋理有D恐怖，食落有D似海蜇但再煙靭D，幾特別！

酸菜魚麵

$88

跟餐加飲品可獲半價優惠，我地都order左大紅袍珍珠奶茶，熱飲會用茶壺盛載，好cute~ 雖然叫左無糖但珍珠本身就有糖所以飲落啱啱好，茶底濃郁，推介！

半價後$17.5

坐得舒服、lunch set分量多而味道又唔錯，不過出餐稍慢，可再revisit！