芝加哥串燒 (美豐花園) (已結業)

今日入左大埔約個朋友食飯，佢揀左Dragon BBQ Bar，環境昏暗好有氣氛，岩哂坐底慢慢傾計。雖然係Bar，但餐牌好多選擇，有齊前菜、意粉、主菜等。墨西哥雞肉芝士烤餅加入大量芝士，做到拉絲效果，雞肉嫩滑，烤餅外皮香脆，好滋味。脆炸魚柳漢堡伴薯條香脆鬆化既魚柳即叫即炸熱辣辣，漢堡包柔軟有彈性，薯條香脆又可口。德國鹹豬手伴薯條豬手外皮脆肉質嫩滑，充滿鹹香，勁惹味，薯條同樣香脆，食唔停口。香草雞翼外脆內嫩既雞翼香草味濃郁，啖啖肉好正。炸燒烤菇配黑松露醬多汁又鮮香，配埋黑松露醬提升味道層次！  黑松露炒蛋獨特幽香既黑松露配香滑炒蛋，夠香又突出。MAGNERS - JUICY APPLE果味重，好易入口，甜甜地岩哂女士們。