磯野水產

营业中

休息中

本身又想去食居酒屋，但被嫌棄冇新意😶唯有轉場揀間浜燒食，尼間重點係唔洗自己燒，冇人比大廚更掌握到完美時間，又唔會搞到燒辣辣成身油煙味😌居酒屋嘅前菜好興比兜生蔬菜你點麵豉醬食，但我認真麻麻地😑其一，生嘅菜唔係人人接受，其二，d菜一唔新鮮會好明顯，其三，麵豉醬就咁點太鹹。尼度特別地上左個鯷魚醬，員工介紹係沙甸魚+多春魚，唔太咸帶少少鮮味，點生蔬菜又幾好食。（真係不能接受又怕魚味的話可以叫staff唔好上)上酒la～ 貪得意試葡萄甜酒，酸酸甜甜唔重酒味，女仔都岩飲朋友好喜歡食魷魚所以點左個刺身我本身唔好生魷魚，怕好漿口，但尼個食落爽口有甜味，改觀😂另外有共識咁叫左金目鯛刺身，因為未食過😌魚皮有輕輕咁燒過，唔會滑潺潺，魚肉口感軟軟地唔難咬，魚雖然冇腥味但亦可惜冇特別甜。食完之後師傅可以幫你用食淨嘅魚頭同骨整味增湯，食完生冷野暖下胃都不錯我地乜都想試所以叫左個浜燒盛合🤤師傅會幫你燒好上枱～非常推介白貝，大隻之餘鮮甜嫩滑，小爽口，連汁都飲埋👍🏻蚌仔比較少肉，薄身，爽口👌🏻鮑魚大隻又厚身，彈牙嫩滑，中間保持韌勁👌🏻蠔反而係其他貝類之下失色，飽滿但鮮甜度唔夠鬥鐵罐酒蒸文蛤: 睇表演！點火半蒸焗3分鐘食