翠園 (形點 I)

营业中

休息中

首先一去到，知客講緊電話，見有個侍應企响度，但見佢唔係知客，咁我地好好禮貌地等人搞掂先開聲，點知有個客叉埋嚟話訂咗枱幾位，心諗我地真太規矩，啲職員又係，我地棟正佢面前，企响度佢當我地透明，嗰吓都忍，跟住佢竟想安排我地坐張6人枱，我話唔得喎，我等過張啦，佢之後再俾係大少少但都係擺位擺咗6個嘅枱，張櫈size根本擺完都覺得唔知點加多張櫈，實好逼囉，咁見佢正執張大啲嘅枱，就問可否轉，佢仲要態度差駁多幾句，聲稱話投先張枱可坐8個人都得，咁佢既然咁講，咁做乜set 6個位，嗰吓真係好嬲，大家都有訂枱架喎，只係一開始好禮貌出聲遲啲俾人攝咗位，就亂俾啲咁枱我坐，還要我地有老人又有bb車。真係好嬲囉! 叫侍應寫嘢，仲俾支筆叫你自己圈，但佢冇返轉頭跟囉，最後都係叫經理落單，圈都多餘，忙你咪叫第二個跟囉。上菜又係，亂咁攝咁，忽然响你側邊攝位上菜，又搞到忍唔住開聲叫佢去返另一邊上菜。廚房煮嘢食其實煮得唔錯，又夠熱，但樓面啲人真係唔得。