影片
更多
2018-03-03
167 浏览
餐廳位於旺角雅蘭中心二樓，地點十分就腳，同隔離和民共用同一個出入口，門口有大大個 ”PASTA” 字型燈牌，sharp醒易認，怕等位既朋友可以用 THE GULU喺手機攞定飛仔，實時mon住叫號，嗌到差唔多先至行過去就得，夠哂方便；餐廳裝潢以白色為主調，簡約舒適，無論兩口子抑或三五知己聚餐都非常適合。餐牌顏色繽紛，選擇繁多，令人花多眼亂，好不容易揀咗以下幾樣。法式芝士洋蔥湯，先呷一口，個湯仲有少少燙口，以西湯嚟講非常難得，我覺得出街飲湯，夠熱已經贏咗一半；繼而濃濃既洋蔥味搶閘彈出，臨尾有啲芝士既餘韻，喺湯面既法包索盡湯汁，十分美味，為是晚用餐掀起一個好好既序幕。芝心帕爾馬火腿薯茸球，每一粒都用一個小匙羹裝住，賣相精緻，薯茸球外皮香脆，上面各有不同既配料作點綴，分別係蟹子，黑魚子同埋香草，裏面個芝士同帕爾馬火腿味道好夾，不消一會已被盡數消滅。煙肉牛油果山葵醬意粉，呢個意粉雖然其貌不揚，但係帶嚟既係驚喜連連，首先意粉用山葵醬嚟煮已經充滿新鮮感，叫人躍躍欲試，其次山葵既攻鼻估唔到同牛油果係出奇咁夾，唔怪之得有人將牛油果切片當三文魚刺身點豉油wasabi嚟食；再巧妙地以煙肉嚟吊少少味，不失為一
餐廳位於旺角雅蘭中心二樓，地點十分就腳，同隔離和民共用同一個出入口，門口有大大個 ”PASTA” 字型燈牌，sharp醒易認，怕等位既朋友可以用 THE GULU喺手機攞定飛仔，實時mon住叫號，嗌到差唔多先至行過去就得，夠哂方便；餐廳裝潢以白色為主調，簡約舒適，無論兩口子抑或三五知己聚餐都非常適合。
餐牌顏色繽紛，選擇繁多，令人花多眼亂，好不容易揀咗以下幾樣。
法式芝士洋蔥湯，先呷一口，個湯仲有少少燙口，以西湯嚟講非常難得，我覺得出街飲湯，夠熱已經贏咗一半；繼而濃濃既洋蔥味搶閘彈出，臨尾有啲芝士既餘韻，喺湯面既法包索盡湯汁，十分美味，為是晚用餐掀起一個好好既序幕。
芝心帕爾馬火腿薯茸球，每一粒都用一個小匙羹裝住，賣相精緻，薯茸球外皮香脆，上面各有不同既配料作點綴，分別係蟹子，黑魚子同埋香草，裏面個芝士同帕爾馬火腿味道好夾，不消一會已被盡數消滅。
煙肉牛油果山葵醬意粉，呢個意粉雖然其貌不揚，但係帶嚟既係驚喜連連，首先意粉用山葵醬嚟煮已經充滿新鮮感，叫人躍躍欲試，其次山葵既攻鼻估唔到同牛油果係出奇咁夾，唔怪之得有人將牛油果切片當三文魚刺身點豉油wasabi嚟食；再巧妙地以煙肉嚟吊少少味，不失為一個good try。
牛肉什菌壽喜燒風pizza(一人前) ，連pizza都有得叫一人前，唔洗俾一整塊，咁就可以試多啲野啦，壽喜燒汁香濃惹味，同牛肉絕對係最佳拍擋，餅皮夠薄得嚟又夠燶邊，特別鐘意佢上面添加既京蔥絲，令每一啖味道都更香。
香烤刺身級鮭魚扒，號稱刺身級咁緊要梗係要嗌嚟試吓，一上枱見到碳烤既網紋經已惹人垂涎，鮭魚扒本身都已經香噴噴，若然再放上右手邊圓形嗰塊熱石上面再烤多吓，魚脂被悉數迫出，口感更見豐腴。
法式焦糖布甸 ，面頭焦糖夠薄夠脆，被火槍彈過之後微微焦香，底下既布甸口感細滑，明顯加入大量邪惡既軸心之餘又未見好甜，味道唔錯。
食完呢餐美味先至知道原來餐廳同屬和民旗下，怪唔之得質素咁有保證。
张贴
