無極冰廳 (美暉大廈) (已結業)

公司搬左辦公室係灣仔，番工前去食個豐富早餐醒神下，地鐵站附近 又近又方便。好大間鋪，新淨，一於食新餐廳。幾時都鍾意沙爹牛肉公仔麵 ，真係好抵食。仲要配滑滑炒蛋同丹麥麵包多士 。牛肉大塊新鮮，湯底沙嗲味又夠濃唔會太鹹，公仔麵係用幼身嘅公仔麵，食落特別有口感 。炒蛋奶黃色，好有水準嘅炒蛋 ，通常都只係用普通方包做多士，但係呢間茶餐廳用丹麥麵包 ，配上炒蛋特別夾，而且都只好香脆刷上薄薄的牛油 。去茶餐廳梗係要飲一杯港式奶茶，識飲一定係茶走。