影片
以上资料只供参考，请与餐厅确认详情
见到餐厅装修唔错咁就谂住试试佢，反正未食过，一入去望住阿姐，点知阿姐丝毫没有反应，咁就自己揾位坐啦，冇人理都算，明明menu有得拣转河粉，又走黎话冇得走，个阿姐态度仲要系「冇得转嫁㖞」一啲都冇觉得唔好意思呀～咁你有得比我揿我理所当然预你系可以，之后叫佢比碗同匙，因为得返叉系枱面，态度差到呢，「枱咪有啰」有就唔使问你啦！唔该前唔该后嫁啦㖞已经，冇下次！但平心而论，食物味道是不错的，但比个阿姐搞到咩心情都冇哂，唔想做唔好做啦
继续阅读
呢间野真系错到离晒大铺！以后唔会再帮衬！中午去食lunch叫左个干炒牛河跟奶茶，中途已经见到其他食客不停催单，唔知关唔关佢转左手机点餐关系，啲单好多都甩晒，个厨房同楼面都打仗咁，楼面啲侍应大吵大闹嗌晒交咁，完全当啲食客系无物。我见等左20分钟都未有就催下侍应，连杯奶茶都未上俾我，班侍应一系扮听唔到一系就敷衍话即炒嘅系要等下。中间眼见个厨房系咁出外卖单，但一份堂食都冇出过，最搞笑系阿姐水吧枱唔够位摆外卖，见我地张枱未有野食竟然放晒啲外卖喺我地枱面，认真系世界级服务。好心你做唔切堂食就唔好接咁多外卖单啦。到等左差唔多半个钟我再催单，侍应阿姐问我有个香叶肉碎饭有枱客等唔切多左出黎，有得即刻食问我要唔要转。但我上次食过呢间嘅香叶肉碎饭系咸到好过份，于是我问佢干炒牛河仲要等几耐。荒谬嘅系佢完全冇理过我就走左去，好似焗我食佢多出黎个饭咁，完全冇其他选择。等左阵我决定都系无奈地转佢个香叶肉碎饭，唔系等到2046都未有得食。最最最搞笑系，我同枱有另一个人叫左扬洲炒饭，又系等左好耐都未有，个侍应阿姐用同一套路问佢要唔要转我取消左𠮶个干炒牛河，有得即刻食唔洗等，真系够晒环保一个饭都唔好晒！呢班世界级侍应可以将啲单全部调转晒，认真唔知可以讲啲咩。。仲有另一插曲系个侍应阿姐同我讲两个饭同价钱唔帮我改单，但我后来睇返香叶肉碎饭系平啲$60于是叫佢改返，佢竟然同我讲：「你叫干炒牛河咪呢个价$66啰」。心谂你系咪未训醒？我食紧𠮶碟系你叫我转嘅香叶肉碎饭阿姐竟然话我食牛河，我即时躁左叫佢自己睇下个Menu，佢先喺度揭Menu话价钱唔同帮我改返，一啲唔好意思都冇！讲返啲食物，个香叶肉碎饭啲肉真系咸得好过份，食左几次都系咁，唔知系咪个厨房落开咁重口味，经常食真系会有肾病嘅程度！讲服务呢间野一定比0分，就算以前出餐快啲𠮶排，呢间野啲侍应都系对你呼呼喝喝，好似你欠左佢咁！价钱嚟讲，本身我叫个牛河都要$66仲要饮品另外加钱，讲真$66咁贵嚟讲系湾仔仲有大把选择，唔系贪佢快真系唔会拣呢间。经过今次之后永久blacklist呢间野，连埋隔离另一间无极都唔会再食！服务差极、价钱唔平、上餐速度极慢，附近几条街大把餐厅好过佢，想受气嘅一定要试下！
继续阅读
今日同老窦老母去湾仔食午餐，见到一间叫无极冰室嘅餐厅，谂住试下新野，点知入到去就无极后悔。😢第一，个价钱真系贵到爆，三个人食咗一个午餐两个下午茶，加埋饮品就要$169！😱点餐𠮶阵话呢样冇𠮶样冇，好似我哋挣佢地钱咁。😡侍应又嘈，客又嘈，想静静哋食可以去第二间。个日本秋田县肠仔奄列饭根本系茄汁炒蛋肠仔饭，卖相核突，又食到一嚿好咸嘅盐，唔知系唔系厨师手震。🤮出餐又耐到痴线，又话今日好多单，等咗40分钟先等到个卤水鸡髀配沙律，点知个卤水汁又同杂果沙律摆埋一起，又甜又咸，鸡肉入面又好似冇卤过。🤢总之，呢间餐厅真系无极难食，唔会再去第二次。😠
继续阅读
📍无极冰厅 (湾仔)湾仔谢斐道110-116号美晖大厦地下1-2号舖性价比极高餐厅🎏日式照烧飞鱼子鲭鱼饭 $68即叫即煮，新鲜出炉！ 好多好多好多飞鱼子，小编好钟意佢地入口个感觉，觉得好搞笑同埋好正。 鲭鱼睇得出系岩岩烧起，因为鱼皮还好脆，烧得岩岩好。 最紧要系啖啖肉，好香鱼味， 入口有小小鱼油， 再用黎𩠌饭都真系几好味，最紧要系系鱼骨🤭🌟 新店同9旧店装修环境都好宽敞，唔会有好逼好逼感觉。 难得lunch hour, 最紧要系可有时间种比人坐得舒服感觉，依样对打工仔黎都几紧要。🔔总结：食物新鲜，送食物速度极快！ 湾仔食lunch 黎讲价钱可以接受。 地点⭐️⭐️⭐️⭐️⭐️味道⭐️⭐️⭐️⭐️环境⭐️⭐️⭐️⭐️⭐️服务态度⭐️⭐️⭐️⭐️（5星为最高分）
继续阅读
这间无极冰厅位于湾仔站附近，性价比极高，每逢午市时段都大排长龙，难怪最近扩充规模，连旁边的铺位要了。新店内装修跟旧铺一样，环境宽敞舒适。菜式方面，除了每日不同的午市快餐外，还有数十款食物，如炒粉面饭、常餐及沙律等等。焗鲜茄鸡扒意粉 - $72即叫即焗制作需时，大大块鸡扒嫩滑多汁，淋满香甜的鲜蕃茄酱，焦香的芝士富咸香，意粉正好挂汁，或可转焗饭。名古屋牛肉炒乌冬 - $68即叫即炒热充满镬气，一片片鲜牛肉嫩滑软腍，烟韧的乌冬带日式酱油的咸香，更有不少椰菜丝及芽菜等蔬菜增添口感。鸡肉凯撒沙律 - $56超大碗沙律菜，翠绿的沙律均匀涂上甜酸的凯撒酱，更有少少多汁的车厘茄，为数不少的鸡柳肉好嫩滑，入口好清新。奶茶红豆冰&鸳鸯红豆冰 +$9一杯有著浓郁的奶茶味好顺滑，另一杯则同时带著咖啡香味，同样每口也有绵密的红豆，起沙好香甜。
继续阅读