大山日本料理

营业中

休息中

今日同朋友食日本菜比我搵到一間位於旺角嘅高質素日式居酒屋。冷食點左黑松露三文魚沙律，黑松露配三文魚一流。仲有令和怪物蠔，店主推介，果然冇失望，又新鮮又大隻，係唔同啲！仲有女朋友鍾意食嘅芥辣八爪魚，份量好多，芥辣味唔會太搶。見到呢度啲嘢咁新鮮，叫咗角切魚生飯，份量多之餘，魚生都冇令人失望。熟悉方面推介清酒牛油煮蜆，食得出湯底好有清酒嘅香味，連帶蜆肉食落口都有陣陣酒香。牛肉壽喜燒，壽喜燒湯底好濃又好甜，但又冇遮蓋牛肉本身嘅味道。最後推介買鰻魚炒飯炒得好香，鰻魚分量多，味道唔會太咸。