Delicieux Bistro (已結業)

一直覺得越式三文治純粹是法式變奏版，無乜特別，但原來是我低估了它~越式三文治，主打法包，但recipe同法國的有少少唔同，外皮極脆，即使內裡夾了大量餡料，吃時都唔會好「呢hea」，亦唔會飛出來~~ 縱然呢間舖頭不過是用某名店出品的法包，但因法包做得好，外層鬆脆，同樣易吃~~餡料方面，當地通常有札肉、肉丸、雞肉鬆、香茅豬扒~~ 同店子一樣，除了香茅雞扒同牛肉外，其他都按傳統做法，不錯。味道呢？試了肉丸餡，好得，肉丸夾成餅狀，方便食，入口又香又濃，知道是老闆自家製，加多幾分。內裡夾有的酸菜，是用高濃度魚露、糖、醋醃的紅白蘿蔔絲，以為純為醒胃，但原來真係可以提升口感，令成個包唔同曬，同埋減低膩口，好好味！要數城內首屈一指正宗的，除了她，沒有多少家做到了~~