稻乙日本料理

营业中

休息中

Happy Friday 同朋友相聚當然食我最鐘意嘅日本菜，今次試一間大家都無試過嘅日本餐廳。好在朋友一早訂位，餐廳安排和式房間，環境舒適非常有日本風味。壽司非常新鮮，三文魚腩肥美甘香，赤貝味道鮮甜口感爽脆，炙燒左口魚裙邊油香味十足。天婦羅炸得鬆脆，份量多有蝦、魚、茄子、蕃薯、粟米及南瓜。蝦鮮甜肉質爽脆，粟米清甜非常特別。牛舌肉質爽口，燒得剛好不會過熟保持到軟腍口感。雞軟骨串口感豐富。芝士年糕燒得外脆內軟，口感煙韌，芝士味濃。明太子份量十足佈滿每一件蛋卷內，蛋卷非常嫩滑，明太子帶微辣夾埋一齊食味道剛剛好。廣島蠔肥美，蠔味重，味道一流。