熊貓小雲吞 (海富商場)

营业中

休息中

呢排发现海富多咗间川菜，平时冇为意，见到就一于试一试佢。鉴于中午都颇为多人，就决左买外卖翻屋企食。-1. 菲菜豚肉云吞8/10-一开始觉得云吞比较细粒，食落会冇咩感觉，但食落都几足料。云吞入面豚肉同菲菜比例岩岩好，唔会互相抢晒啲味。豚肉落左一定既肥肉，所以食落有肉汁既同时亦都有肉既香味。-2. 蜜糖芥末鸡翼9/10-个人好推荐呢个，除左价钱略贵，味道系十分不错。蜜糖芥末酱就冇乜特别，但酱汁既份量岩岩好，唔会令到个鸡翼冧晒。鸡翼炸得够干同脆身，保留晒入面既肉汁，可以话系爆晒出黎！拎完外卖半个钟依然保持到香脆。鸡翼亦都几大只，比谭仔既大三成左右，食落会带到比你好大既满足感，真心值得一尝。-3. 川式凉面8.5/10-块面入面有花生、芫茜、青豆同青瓜丝，食落口感几丰富。面条弹牙唔会太冧，亦都挂到汁，所以食落好够味同惹味。-美中不足既系嘢饮suppose要自己拎，但第一次帮衬加上店员冇提醒就冇拎到🤣云吞鸡翼加嘢饮总共$55，而凉面就$30，埋单$85可以话系几抵食，值得再试。