一碗小麵 (已結業)

咁啱黎到一碗小麵，梗係嗌返一碗小麵啦，係招牌推介。唔太食得辣，但川菜點可能唔辣呢？嗌左走辣，但依然有少少辣，少少麻，但又好惹味喎。無死咸死辣，唔會辣到跳舞😂一碗小麵好多配料，有碗豆、炸醬肉碎、豬腸、牛腩筋、一舊豬手等。湯非常香濃，唔太咸，但相對油膩，所以唔敢飲太多。浸過湯既麵都非常好食，集香辣麻於一身，而且麵質煙煙韌韌。不過全部配料都唔算精彩，普普通通。想試下川湯，食下辣，都ok既~地方狹小，只適合兩、三個朋友一齊黎。