影片
相关文章
今日去咗红磡，爬文后决定去一碗小面试吓。一落嚟就放底咗杯水俾我慢慢睇。最后叫咗牛腩米线中辣，第一眼见到好大嘅一碗，就算我叫咗中辣都食到牛腩好腍卤水味好香，美中不足嘅系米线偏淋，麻味同埋辣味够，同埋冇乜味精❤️，原本觉得佢淡淡地，食食吓发现哇🤤个汤底好正，对于我呢个长期食中麻辣米线嘅人嚟讲，好难食到一个有辣味之余仲品尝到好有浓骨香冇味精汤底。原本舖头得我一个客人，随着客人越来越多见到老板娘都系一碗一碗去煮🫡埋单𠮶阵老板娘问我好唔好食，我忍唔住同佢讲个汤底好正你，多谢👍🏻建议大家下星期过去唔好匆匆忙忙咁样食，认真品尝下佢嘅汤底，食得出嘅用心。
继续阅读
俾 ［ Yvonne's noodle ➡️ 一碗小面 ］有趣释音吸引，行埋去门口先见到系川菜，即系主打辣野，唔好辣嘅我有少少却步，但见到价钱同野食相都好吸引，同埋餐牌写有得走辣所以照入。🌟 炸酱面 $40唔食得辣但心郁郁叫左BB辣谂住顶到，点知黎到见到一片红海咁，心知不妙，第一啖已经出事😝🥵 但老实讲其实面质好好，几滑几烟韧，好索到味，啲麻辣好到位，真系好麻🥲。听到老板娘（估计系）话今日啲辣椒特别辣，提醒人叫低一度，我心谂点解头先唔提我嘅，不过其实BB辣再低就系走辣咁又真系无得再低🤣 另外有只卤蛋，都ok嘅，正常发挥。题外话，老板娘同店员都操纯正普通话同广东话，随时switch😆 同埋有操纯正普通话嘅客人（唔似游客）入黎食，唔通呢啲真系好好好好正宗嘅四川辣所以咁辣？🥵🌶🌶🌶店仔细细，但有靓靓壁画作装饰。总括而言，性价比都高，又平又大碗，诚意推介俾钟意食辣嘅人👍👍😃
继续阅读
📍 一碗小面🥢至尊全牛面 💰55 汤底好浓郁，面好香好弹牙，但系食到尾有少少滞🫣真系全牛面，好足料啊，有牛腩，牛肉，牛肚！！！！食到碗底，个碗都系成碗料😍😍🥢凉菜拼盘 💰48夫妻肺片，牛展，土豆丝，木耳（拣两肉两素)素菜正正常常，好爽口肉类嘅话量有啲少，同埋偏咸十分推荐佢地嘅面类，应该好难中伏！舖头唔系好大，早啲去早啲有位啊😋 如果系学生记得同老板讲声，有九折啊🥰
继续阅读
上次阿姐喺度𠮶阵啲牛肉都算多，今次再去已经得返原本嘅一成，少得夸张，买咗佢嘅招牌牛肉面，返到嚟好似饮盐水咁样，明明上次食香辣嘅，今次就唔知点解好似俾人整蛊咁，体验劲差，仲要俾个男店员眼神掘住，感觉好差，绝对唔会再嚟，本身买咗两碗牛肉面返去比屋企人试，同佢哋讲系宝藏餐厅，而家呢间已经唔系当时嘅宝藏餐厅，绝对系垃圾中嘅垃圾，唔会再帮衬
继续阅读
川味面馆，叫了招牌一碗小面，入面有猪手、猪大肠、牛肉，香辣可口，份量十足。仲叫左一碗牛杂面，有牛肉牛肚，都系份量十足。味道都几正宗，老板娘话辣椒都系四川运过来，正宗四川味道，叫左BB辣，面条弹牙，汤底香辣开胃，几好食。餐厅地方比较窄，但环境企理，台面都好干净，好多附近理工学生来食，前后左右都系讲普通话。应该好多内地学生都好认可依间普通。老板热情有礼，面条米饭免费任加！几有人情味👍
继续阅读