六合小巷 (已結業)

💚六合小巷💚位於北角皇都戲院隔離旺中帶靜嘅新店舖 推薦大家去試😉⁡門口非常有特色 掛滿彩色燈籠🏮內裏燈光偏暗少少 襯托返比較光嘅燈籠幾有六合夜市feel 仲有歌聽添🌝⁡🌼黑麻油蟲草花濃雞湯麵🍜呢個雞湯麵大大力推薦俾大家😋👍🏻上格時店員即時淋上雞湯熱辣辣出晒煙 冬天食超級warm🔥🔥🔥雞湯非常濃郁鮮味 飲得出冇味精仲可以再添湯 真係想成碗飲晒😉配搭埋炸過嘅蟲草花 提升口感而且有益麵質都彈牙 唔會因為浸湯變咗軟淋淋👍🏻雞肉係唔同部位 雖然唔算非常滑 但ok⁡🌼炸鹽酥豬排飯飯應該係珍珠米 煮得唔錯啱啱好豬扒都夠味同埋真係鹽酥 脆卜卜⁡🌼鹽酥杏飽菇呢個都推介大家食 唔厚粉之餘夠晒脆一啖咬落去成粒杏飽菇爆汁出嚟非常juicy而且好新鮮✨份量都多⁡🌼蚵仔煎蚵仔煎偏向乾身似薄餐質地唔似台灣夜市有落白菜/蕃薯粉打芡咁黏稠蚵仔🦪數量平均 改良後比較啱香港人口味⁡🌼熱珍珠奶茶🧋唔算好甜 茶味足夠有多粒珍珠 如果珍珠都甜返就更好⁡🌼熱黑糖鮮奶珍珠🧋比想像中甜咗少少 唔係太飲到黑糖味反而奶味比較重 ⁡