扒王之王 (已結業)

今日去中旅社做回鄉證，做完見有扒王之王，就諗住試吓。入內冷氣唔多夠，好熱，但侍應好熱情招待，仲極力推薦試美國和牛扒餐，好喇！就聽佢話要了一客和牛餐。羅宋湯+餐包好快到咗，湯味道都勉強合格，但餐包就不敢恭維，我食咗1/8個就放棄咗。和牛扒餐要咗5成熟，嚟到係9成9，唔知係太熟定把刀唔掂，切極切唔開，好努力咁切開咗，食落又成口筋，又放棄咗。咁不如食薯條喇，加D茄汁，D茄汁又好似加咗水咁，醬同水溝唔埋，我唔敢用，唯有飲奶茶頂肚，點知D茶味好怪，我好後悔，呢餐要餓住個肚走。食完呢餐，以後都唔敢再嚟！