影片
呢次lunch叫左个咖哩牛柳意，意粉旁边有薯菜卖相可以，但系牛柳似厚切牛扒多啲，带点韧。咖喱汁味道正常，薯仔都一般入味。以折实$70包汤同热饮黎讲，性价比较同类茶餐厅略低。作为中学饭堂呢度梗系满载开心回忆。阔别五年，餐牌设计依旧，主要有ABC三个餐。我朋友都叫咗个牛油薯条，不过较为纤幼，幼麦当劳𠮶只少少。侍应讲嘢都系一样中气十足，食客唔多但有催客落单嘅feel。基于食物质素一般，扒王都系食情怀。但事过境迁，旧伙记咁啱不在，有啲可惜。
继续阅读
"久违了~扒王之王" 依句真系事实，自从家住荃湾嘅时候经常食喺愉景新城斜对面间扒王执左之后，都冇再食过扒王之王。大慨系疫情前嘅近年香港经济顺景，港人对扒餐要求渐渐提高，港式扒餐逐渐没落，唔少传统港式扒房都愈执愈少，勉强叫做有一两间会有少许革新，再开分店。是日喺苦思良久之下并受同伴建议，终于第一次黎香港硕果仅存嘅扒王之王食早餐，估唔到都真系会有"惊喜"。喜者，一打开餐牌，哗，乜个早餐餐牌都咁丰富丫。喺连锁快餐店求其食个缩水早餐都要40蚊左右嘅情况底下，依度系贵少少，但至少又扒又包仲有𩠌有面，点睇都唔似系缩水早餐。继续强调返本人系选择困难症末期患者，点解？因为我拣食牛扒早餐定什扒早餐都谂左10分钟都仲未决定到，最后必杀技系叫个侍应埋黎落单先决定到食什扒早餐。好，野食上枱，港式style，睇落正常食落出事，首先系间餐厅冷气太劲，食客相对太少，野食野饮好快就冻冰冰熟蛋冇乜味，老晒牛油方包，正常，冇exptectation，茶记嘅最普通质素鸡肉肠，老到皱晒皮牛扒，有筋又老，胜在份量足鸡扒，一个字，老2块扒都系纯粹靠个汁俾返D味烟火鸡丝公仔面，又咸又老，过火公仔面，少许浸到发胀嘅感觉总结:唯一吸引之处真系份量同价钱相对平，但问题系咁嘅质素，真系难D再黎食，其实食材应该唔成问题，问题系点样处理食材，是日系周末，食客亦唔系多，其实有冇必要追求快餐店嘅上菜速度? 我真系唔介意等多10分钟俾厨师即叫即整我个早餐，但我真系唔想食一个全部野食都过晒火嘅早餐，明明成个早餐份量系好丰富，但食完个心仲系好空虚。细细个仲读紧书嘅时候适逢经济不景气，尤似今日两𩠌饭大行其道，是日再食扒王更勾起当年周末经常独自一人买扒王嘅午餐特价饭盒，除我以外亦有不少老人家购买类似饭盒，只系肉食兽如我独爱16蚊一盒烧汁猪扒肠仔饭，至今仍点滴在心头，若餐厅能见此食评，望能改善食物质素为首要目标，其次望能考虑重推平价饭盒，惠及众多沙田市民。
继续阅读
🔻1️⃣ U.S. Beef steak | Pan Fried Sausage and Egg 😋 with Butter on Toast & Shredded Smoked Turkey Macaroni 美国牛扒 ｜肠仔煎蛋 ｜餐配牛油🧈方包 烟火鸡丝并通粉💲42🌟推荐指数：★★★★★抵食又大份既早餐非你莫属😆‼️牛扒系有厚度有诚意既牛扒 😋😋 有口感 绝对唔会系薄到纸既牛扒，性价比劲高‼️仲要配埋肠仔煎蛋😋 通粉又系大大碗🤣真系完全估佢唔到，食完成个早餐真系劲满足‼️‼️‼️‼️ 一定会再食😆👍🏻评价：9/10
继续阅读
细细个中学时代..尚算中价位既扒王之王..执执下..已经得返沙田最后呢一间..食既只系回忆..味道只系一般茶餐厅既水准了..今日就同朋友黎呢度食个lunch..回忆下想当年既感觉午市推介都有好多唔同种类我地就比呢两个吸引住..忌廉汤及餐包汤偏小小咸..有洋葱既香同朋友share一半扒食紧先记得影相美国和牛就真系食唔出..因为都唔太淋反而个BB肉眼就唔错..但两只食落去个牛既质地都好普通..用料完全系茶记感觉..食唔出「扒房」味道..
继续阅读
因为刚好在沙田工作，无意中发现原来全香港还剩下最后一间分店。我心想：「已经剩下最后一间，理论上，这公司应该会将结业的分店的租金成本转嫁给食物上吧？」 于是乎，我给它最后一次机会，结果令人完全失望！🤬 侍应生反应慢，餐厅盲点多，我举手很久也没有人向我回应。 我点了B餐，西梅烧猪扒配薯菜，外观看上非常大份，但一切开才知道，原来这块猪扒比纸还要薄！🤬 猪扒旁边的配菜， 薯条看上去是死黄色， 分分钟用了万年油炸出来！🤬 旁边的豆角红萝卜看上去是隔夜蔬菜，色泽非常暗哑！ 猪扒整块吃完也没觉得特别， 而且连配菜吃完也不觉得饱！ 结帐时也要60多元！ 完全不值这个价钱！🤬 简单来说， 这所餐厅， “装修一流，食物九流“！ 完全不明白为何公司还要留著最后一间分店！ 还可以生存到今日！ 这样的食物质素理论上应该快快结业算吧了！😤
继续阅读