影片
更多
2020-03-11
21 浏览
平時去開尖咀，金馬倫道都行唔少前排行過就見到間個造型幾特別既拉麵店，好有日本既地獄feel，又有大大板狼牙棒，又有d日本既鬼喺度。原來係新開既拉麵店，叫鬼金棒。👹👺未睇佢menu就已經諗佢係咪食d又辣又紅卜卜既野，因為日本就係會用地獄辣、鬼辣呢d名黎形容好辣既野食。🌶🌶🌶望清楚menu就見到原來係食麻辣拉麵，仲要係黎自東京既，於是今晚就去試試佢。門口量完體溫，入去就望到佢既裝修都有趣。除左有鬼既公仔，牆頂仲放左鬼臉既臉具，再用紅色燈照住，想營造番個地獄氣氛。望一望個menu，湯底係一款，所以拉麵種類既分別係配料配搭唔同加上湯底有唔同麻度辣度揀。點餐係用手機scan qr code，方便清晰又減低左樓面既工作量。我地兩個人叫左一碗少麻少辣既特製辣麻味噌拉麵加多玉米筍特製果碗除左莞荽，有哂所有配料，叉燒仲有兩舊。😍另外叫左少麻無辣既味玉辣麻味噌拉麵其實都齊配料，同埋有隻蛋拉麵一上，雖然冇二郎系果d拉麵咁大碗但配料都唔少既關係，感覺都好有份量。特製果碗，雖然係少辣，個湯底明顯都係紅紅地色，睇落都有d嚇到唔太食得辣既人。飲一飲個湯，係好濃既味道，既然底湯既味噌同油脂既香味，又有蒜同其他配料既香
前排行過就見到間個造型幾特別既拉麵店，好有日本既地獄feel，又有大大板狼牙棒，又有d日本既鬼喺度。
原來係新開既拉麵店，叫鬼金棒。👹👺
未睇佢menu就已經諗佢係咪食d又辣又紅卜卜既野，因為日本就係會用地獄辣、鬼辣呢d名黎形容好辣既野食。🌶🌶🌶
望清楚menu就見到原來係食麻辣拉麵，仲要係黎自東京既，於是今晚就去試試佢。
門口量完體溫，入去就望到佢既裝修都有趣。除左有鬼既公仔，牆頂仲放左鬼臉既臉具，再用紅色燈照住，想營造番個地獄氣氛。
望一望個menu，湯底係一款，所以拉麵種類既分別係配料配搭唔同加上湯底有唔同麻度辣度揀。
點餐係用手機scan qr code，方便清晰又減低左樓面既工作量。
我地兩個人叫左
一碗少麻少辣既特製辣麻味噌拉麵加多玉米筍
特製果碗除左莞荽，有哂所有配料，叉燒仲有兩舊。😍
另外叫左少麻無辣既味玉辣麻味噌拉麵
其實都齊配料，同埋有隻蛋
拉麵一上，雖然冇二郎系果d拉麵咁大碗
但配料都唔少既關係，感覺都好有份量。
特製果碗，雖然係少辣，個湯底明顯都係紅紅地色，睇落都有d嚇到唔太食得辣既人。
飲一飲個湯，係好濃既味道，既然底湯既味噌同油脂既香味，又有蒜同其他配料既香味。
辣就唔算好辣，係有做到少辣既效果。麻就係用花椒油花椒粉，香就一定香。🤤🤤🤤
配料好豐富，炒過既芽菜同燒過既粟米心，都食得到果種炒香左同炙燒過既香味。
溏心蛋既生熟度唔錯，有流心，不過呢個係基本。蛋其實有醃過，但可能因為湯頭比較濃味，唔太食得到醃過既味道。
叉燒係比其他鋪頭唔同，唔係一塊塊，而係大大舊既豚角煮。我諗佢可能都係好似普遍日本人咁用壓力煲去炆，所以炆得好林好入味。
味道甜口，豬肉入口就化
唔怕肥膩既人，間中食下真係嘆👍🏻👍🏻👍🏻
麵係比較粗身，唔係太硬，同湯底都幾夾，都會食到好飽
至於唔辣果碗，因為冇左辣既醬料，麻既感覺就出好多。喺佢呢個湯，佢既花椒味出好多，麻感唔係太強，但真係好香花椒味
不過就算覺得唔夠都可以再落花椒粉
拉麵既種類都出得有d層出不窮，麻辣應該係四川野，然後再由日本人鐘意既中華料理度黎。
咁樣做個crossover，又幾得意
味道偏向濃口既味噌拉麵，加上麻辣同咁多配料，未食過又鐘意濃口拉麵同麻辣既人，鬼金棒係值得一試。😋😋😋
湯夠濃、味道特別、配料同麵既份量都唔少，每人一百三十左右，物有所值。😍👍🏻
张贴
