牛匠石燒 (已結業)

今晚同朋友去食石燒，都係揀左響尖沙咀嘅店鋪，入到去，就已經好香燒肉嘅味，地方好大，坐得算舒服😌有得坐卡位😄🍴 安格斯牛小排🍴油脂分布平均🥹有大概八塊，不能食得太多食得太多會漏，有生菜及生蒜片，日式得來又帶啲韓式😆都幾特別🍴 雞頸肉🍴員工介紹雞頸肉，本身我想像中嘅雞頸係完全冇肉，仲要係得骨，估唔到燒到嚟其實都幾爽口，而且都有幾多肉，似係雞扒😆可以燒耐啲，香口啲😎🍴 鹽燒原條魷魚🍴有醬油汁，唔算好乾，但略嫌唔係好夠熱，可以放上石燒爐燒一燒😂🍴 明太子玉子燒🍴明太子好惹味，玉子入面有啲蔥花，所以整個菜都好香😌🍴味素飯，溫泉蛋🍴純粹白飯，加上紫菜碎，芝麻，喺飯中間掘窿，到隻溫泉蛋落去再撈勻🎉好療癒😄而且味道出奇地夾👍🏻🍴湯烏冬🍴冇咩特別嘅一個菜，但竟然比想像中好食，鰹魚豉油湯底，再加上爽口嘅烏冬，竟然出奇地好食🥰員工服務態度好好，值得去👍🏻另外有個機械人會幫手拎盤，都幾有趣😂