影片
更多
2016-06-23
1378 浏览
豬小姐忙碌左成日 當然要食番餐好嘅獎勵下好似小蜜蜂咁勤力嘅自己啦 今日約左咀刁v尼到鮨真覓食！同上次大伙兒去食嘅日式放題響葫蘆係同一棟大廈嘅 環境充滿格調 七點入座 我地被安排到bar枱用餐 從落地玻璃望出去嘅係維港同一棟一棟嘅高樓大廈 配合身處二十樓嘅高抄角度眺望 好好view喎！ 仲可以睇住廚師為我地即席準備佳餚 令我地更加充滿期待呀！ 一早已經plan定試「三週年晚市大割引」嘅omakase！先上前菜 賣相的骰精緻 師傅建議我地由左至右淡至濃去食 由左邊起 分別係梅味素麵 海蜇青瓜同埋沖繩水雲淺粉紅色嘅素麵幼身滑溜 輕輕滲出梅子味 中間嘅係墨魚 增強番個口感 海蜇青瓜 兩款都屬於爽口嘅身材 加上凍冰冰酸味味 係好開胃嘅前菜 沖繩水雲係海藻類食材 賣相好似發菜哈哈 口感帶黏滑 水雲係日本好常見同受歡迎 因為佢口感清爽 而且低卡路里 零舍健康有益 我都幾鐘意 幾特別 及後再送上另外兩款前菜 螢光魷魚同麵豉青瓜螢光魷魚一啖入口岩岩好 咬落去會有膏狀嘅物體溢出 我覺得好種似蝦膏嘅感覺 味道濃烈 佐酒一流 麵豉青瓜 係五款前菜入面 尼款係我至愛 重點係麵豉！咸香嘅麵豉醬和飯
同上次大伙兒去食嘅日式放題響葫蘆係同一棟大廈嘅 環境充滿格調 七點入座 我地被安排到bar枱用餐 從落地玻璃望出去嘅係維港同一棟一棟嘅高樓大廈 配合身處二十樓嘅高抄角度眺望 好好view喎！
仲可以睇住廚師為我地即席準備佳餚 令我地更加充滿期待呀！ 一早已經plan定試「三週年晚市大割引」嘅omakase！
「前菜」梅味素麵 海蜇青瓜 沖繩水雲
6 浏览
0 赞好
0 留言
淺粉紅色嘅素麵幼身滑溜 輕輕滲出梅子味 中間嘅係墨魚 增強番個口感
海蜇青瓜 兩款都屬於爽口嘅身材 加上凍冰冰酸味味 係好開胃嘅前菜
沖繩水雲係海藻類食材 賣相好似發菜哈哈 口感帶黏滑 水雲係日本好常見同受歡迎 因為佢口感清爽 而且低卡路里 零舍健康有益 我都幾鐘意 幾特別
「前菜」螢光魷魚 麵豉青瓜
6 浏览
0 赞好
0 留言
螢光魷魚一啖入口岩岩好 咬落去會有膏狀嘅物體溢出 我覺得好種似蝦膏嘅感覺 味道濃烈 佐酒一流
麵豉青瓜 係五款前菜入面 尼款係我至愛 重點係麵豉！咸香嘅麵豉醬和飯粒混和 雖然味道偏咸 但配合清新爽口嘅青瓜 好夾 好味道
前菜食完到刺身啦 一共有四款 師傅會一款一款咁慢慢為你送上 分別為深海池魚 金目鯛 赤蝦同埋赤貝「新鮮」已經係賣點 將原有嘅鮮味完全帶出！
「刺身」深海池魚 漬物
3 浏览
0 赞好
0 留言
「刺身」金目鯛
9 浏览
0 赞好
0 留言
金目鯛嘅表皮會先用醬油薄薄塗一層 再用火灸略燒 師傅建議連豉油都唔需要點已經夠味 果然如此！味道已經剛剛好 微微燒過嘅金目鯛既香口又帶油香 入口後慢慢溶化 不錯吃
「刺身」赤蝦
7 浏览
0 赞好
0 留言
「刺身」赤貝
37 浏览
0 赞好
0 留言
另外要讚下旁邊嘅漬物 牛蒡 紅洋蔥同溫室蕃茄 雖然係相當普通嘅食材 但佢地的確有點睛作用 在平凡中增添食彩 甜甜酸酸咁好快比我ko哂
「季節燒魚」鹽燒山女魚
25 浏览
0 赞好
0 留言
山女魚充滿汁液 唔會燒到乾哂 鹽燒已經咸咸地 不過可以點下旁邊自家製嘅蔬菜汁 我覺得點左更加帶鮮而且更酸胃
煮物尼啦！係大和芋蒸廣島生蠔加北海道毛蟹肉煮魚翅
「煮物」大和芋蒸廣島生蠔
14 浏览
0 赞好
0 留言
嘩！賣相好可愛 好似一朵花花型嘅雲朵 面頭嘅大和芋其實係淮山 口感食落有啲似麵團 粉感重 不太喜歡 如果改用溫泉蛋應該不錯 揭開大和芋 兩隻肥嘟嘟嘅廣島蠔出現了 味道鮮甜滑溜 入口幸福！
「煮物」北海道毛蟹肉煮魚翅
6 浏览
0 赞好
0 留言
用上北海道毛蟹肉唔簡單 湯底既鮮又甜 十分濃稠 真材實料地用上魚翅 不過唔支持呢 得蟹肉其實並唔介意
「御膳」北海道魚生飯
7 浏览
0 赞好
0 留言
「御膳」湖水蛤麵豉湯
7 浏览
0 赞好
0 留言
湖水蛤麵豉湯嘅bb蛤真係好迷你 第一次見 size細 有廿幾粒 味道比起一般蜆果然無咁突出 感覺係普通嘅麵豉湯
柚子雪葩 抹茶雪糕
5 浏览
0 赞好
0 留言
同咀刁v由太陽未落山食到見到圓月 仲睇埋幻彩泳香江 感覺相當浪漫 今晚確實享受！ (點解隔離個個唔係豬先生呢？哈哈)
张贴
