Koh Thai (已結業)

咁岩適逢星期一有Super Monday晚市套餐買一送一優惠，所以同同事放工之後就搵左喺公司附近哩間泰國菜食。我地叫左燒豬頸肉同埋炸蝦餅做頭盤。因為係用沙律菜托底，所以燒豬頸肉係以冷盤上。豬頸肉同啲菜一齊食，都幾清新蝦餅炸到好香脆，金黃色的外殼包住爽口彈牙既蝦肉，配埋佢地自家製既甜醬，啖啖滋味至於主菜，我地叫左辣椒膏炒豬仔骨同埋泰式炒金邊粉。啲豬仔骨肉質鮮嫩，骨同肉好易切開。初時見啲汁咁紅，以為會好辣，但其實食落一啲都唔辣，帶甜，幾開胃我同事叫左泰式炒金邊粉，啲粉好煙韌，連埋啲芽菜、花生碎一齊食，唔錯因為我地喺公司餓左好耐，特別開胃，所以仲未夠喉，就叫埋哩到既香芒糯米飯 - 哩個係次次食親泰國野必點！大愛佢地既紫糯米，好香，好煙韌。芒果酸酸甜甜好醒胃，唔會覺得好滯。不過份量都唔細，兩個人食就岩岩好。飲品我地叫左泰式奶菜同埋香茅茶。奶茶茶味幾濃，入口香滑。香茅茶係用新鮮香茅沖製，有淡淡香味同微甜，好有誠意而哩到既服務同環境都唔錯，啲員工好有笑容同有禮貌。下次會搵埋其他同事一齊黎再食