黑門水產すいさん (棉登徑)

#黑門水產味道同裝潢都好傳神，在香港複製了日本的黑門水產。《刺身六盛》$298四款魚，超厚切，筷子夾起感覺到好重的魚生。保鮮得好，無雪味無腥味。魚幾鮮甜。仲有海膽同帆立貝刺身。海膽新鮮creamy夾紫菜食，完美。《黑門帆立貝伴魚籽醬》$68比較有創意，幾樣好鮮甜嘅食材配搭埋一齊。一咬，有各自各嘅味道，但又融合到。魚籽同魚子醬一齊係口腔爆發，wooohooo好奇妙。《黑門令蟹味噌甲羅燒》$72必點！暫時係喺香港食過最好食既甲羅燒。甚至可以話好食過喺日本食過既甲羅燒，蟹糕甘香細軟，蟹味特出，配搭香蔥更惹味，蟹子脆脆地又可以增加口感。如果再重口味啲，可以加埋乾蒜。《蟹油蒜燒帆立貝》$78燒得剛剛好，保持到帶子鮮嫩，好香牛油蒜香。《黑門令大漁魚子醬脆脆包》$78多士上放滿吞拿魚魚蓉、甜蝦、海膽、魚籽、蟹籽同魚籽醬，加小小大蔥絲同香蔥粒。食時候請把嘴巴張到最大。食材會掉，有點狼狽。味道鮮美，只可惜多士脆到有點硬。《黑門三文魚加州反卷》$98相比其他食物，顯得有點平凡，清淡一些。一口一舊，剛剛好。