影片
更多
2020-12-03
1683 浏览
呢間餐廳係朋友介紹我去，話裡面裝潢好獨特，有酒飲有嘢食，係一個唔錯嘅地方。進入餐廳前要由地面行樓梯落一層先到，裡面燈光昏暗，有種神秘嘅感覺😝店員遞上餐牌嘅時候同我哋講餐廳最近推出咗多款酒精類 (wine/gin)飲品。唔係講笑，佢哋個飲品餐牌真係有好多種酒類飲品。我望咗好耐先揀咗杯 “Gin & Tea Tonic”😊 (HKD158)。雖然杯飲品加咗烏龍茶，香味依然被酒精濃度較高嘅琴酒掩蓋住，對我嚟講又唔係咁難入口喎。食物方面有小食、前菜、主菜、甜品。我哋揀咗個「炸海鮮拼盤」(HKD168)作為餐前小食，諗住飲酒食脆口嘅食物會暢快啲。呢個小食拼盤有泰式魚餅、軟殼蟹、日式吉列蝦同埋魷魚圈。新鮮製造嘅熱辣辣炸物配酒精飲品簡直係爽啦。主菜我哋喺頂級肉眼扒同燒乳豬之間諗咗好耐先揀到。有人話想試頂級肉眼扒(因為係新菜式😆😆)，而我就偏向燒乳豬多啲 (因為係我朋友話好味😋)。最後主菜叫咗「西班牙燒乳豬」(HKD278) - 乳豬皮脆卜卜，皮於肉之間夾著少量肥膏，感覺唔太油膩，食完之後一啲罪惡感都冇😂😂😂見隔離枱個甜品幾吸引，不過食完小食同主菜都飽晒喇，唯有等下次啦。
店員遞上餐牌嘅時候同我哋講餐廳最近推出咗多款酒精類 (wine/gin)飲品。唔係講笑，佢哋個飲品餐牌真係有好多種酒類飲品。我望咗好耐先揀咗杯 “Gin & Tea Tonic”😊 (HKD158)。雖然杯飲品加咗烏龍茶，香味依然被酒精濃度較高嘅琴酒掩蓋住，對我嚟講又唔係咁難入口喎。
食物方面有小食、前菜、主菜、甜品。我哋揀咗個「炸海鮮拼盤」(HKD168)作為餐前小食，諗住飲酒食脆口嘅食物會暢快啲。呢個小食拼盤有泰式魚餅、軟殼蟹、日式吉列蝦同埋魷魚圈。新鮮製造嘅熱辣辣炸物配酒精飲品簡直係爽啦。
主菜我哋喺頂級肉眼扒同燒乳豬之間諗咗好耐先揀到。有人話想試頂級肉眼扒(因為係新菜式😆😆)，而我就偏向燒乳豬多啲 (因為係我朋友話好味😋)。最後主菜叫咗「西班牙燒乳豬」(HKD278) - 乳豬皮脆卜卜，皮於肉之間夾著少量肥膏，感覺唔太油膩，食完之後一啲罪惡感都冇😂😂😂
見隔離枱個甜品幾吸引，不過食完小食同主菜都飽晒喇，唯有等下次啦。
张贴
