古琴雅苑 (QRE Plaza)

营业中

休息中

入駐QRE Plaza一段日子既古琴雅苑，我同朋友終於相約去拜訪！我倆都好喜歡食京菜的，今次叫左幾道菜作晚餐。瑰荔堂煌，淡淡茶味帶點幽香！先食一下小食，好特別既無錫脆鱔，好脆又香口，特別有風味！一邊食留意到有兩隻填鴨高掛，令我地特別饞！恰巧我地點既烤北京填鴨就到了，見到師傅即席片鴨真係好專業！薄薄既一片片，排列有序！師傅會先片下每隻鴨好稀少既部位，叫一口酥，細細一片。外皮好脆，皮下既脂香比較重，蘸上砂糖，幸福感洋溢！之後就係鴨肉既部分，配以佢地既醬汁及配料食，真係有回到北京既感覺！蘸上傳統既京醬好配搭，而黃梅醬就係另一口味，來得清新！配料有青瓜、京蔥及哈蜜瓜，還是第一次配哈蜜瓜，食落多了一點甜味，加juicy口感！之後嘗了砂鍋鹹肉冰豆腐湯，冰豆腐密密麻麻的層次，滿滿的湯汁！ 佢地仲有啲海鮮小菜，我地點左京醬大蝦，真係好大隻，已經開左少少邊，剝起來好方便，醬汁濃稠味道好出！此外還有醬炒年糕蟹大大既肉蟹，對我胃口啊！另一亮點係煙韌既年糕，炒得通透又入味！最後點了腰果露作結，好滿足又暖心！想念北京填鴨時一定要再來呢！