可能我哋比較晏，個餐廳唔算好爆，正適合一個悠閒舒適的周日。
朋友叫左個黑毛豬鞍、我就叫左個羊鞍。先上沙律、麵包同周打魚湯。估唔到個湯嘅味道好有驚喜喎，仲有淡淡魚肉，真材實料。
到主菜上場了。我同朋友一齊share。個羊鞍一啖咬落去，個肉好嫩，羊味恰到好處又唔會太騷，正。
至於個黑毛豬鞍，更加特別，肥瘦相間，好有油香，仲有3塊，女仔來講一定食唔晒。
估唔到個配菜都有驚喜喎，我平時唔鍾意食沙律菜，但係呢度嘅配菜我全部都食晒！由小處絕對可以看得出個廚師嘅心思，白蘿蔔清甜多汁，紫薯蓉甜而不利，連菜心都甜喎。
最後仲有朱古力蛋糕，為豐富嘅一餐畫上完美嘅句號。總括來講，以呢個價錢可以食到咁嘅質素同埋咁嘅份量，真係物超所值！
