影片
更多
2020-02-13
185 浏览
星期三晚悶悶地,唔想返屋企叫外賣,於是research下周中上環附近有什麼特色餐廳未試過。 一直都想試呢間餐廳，見過好多food blogger好評如潮，但放工好少會在中上環食晚餐，所以一直無機會試。係其他app見到用特定app預訂可以享有全單50%優惠，梗係要一試啦！ 我在上環站落車，都行左好一段路先到，都幾多梯級要行，但為左美食，係值得既！ 6:30 pm 到餐廳，都已經有幾台客，餐廳唔大，台同台之間有少少逼，我地都專登叫適應幫我地安排坐無咁逼既位。 坐低之後，發現menu本身都唔算貴，而家仲要半價，真係非常非常划算！ 一場來到一定要試下招牌龍蝦湯牛角包啦！一切開牛角包，滿滿的龍蝦湯流出來，麵包沾著龍蝦湯食簡直係一大享受。我覺得牛角包唔算太厚/實，好處就係可以當starter食，食完都仲有quota叫其他野!原價 HK$58 之後點左兩個main course，分別係慢煮beef cheek配炸芋頭絲+黑蒜薯蓉。牛面頰好入味，入口即溶，非常滋味！薯蓉唔算太重味，但亦都因為咁覺得無咁肥膩。炸芋頭絲好特別，香脆的口感同牛面頰形成強烈的對比。原價HK$178 另外叫左個慢煮雞胸risot
一直都想試呢間餐廳，見過好多food blogger好評如潮，但放工好少會在中上環食晚餐，所以一直無機會試。係其他app見到用特定app預訂可以享有全單50%優惠，梗係要一試啦！
我在上環站落車，都行左好一段路先到，都幾多梯級要行，但為左美食，係值得既！
6:30 pm 到餐廳，都已經有幾台客，餐廳唔大，台同台之間有少少逼，我地都專登叫適應幫我地安排坐無咁逼既位。
坐低之後，發現menu本身都唔算貴，而家仲要半價，真係非常非常划算！
一場來到一定要試下招牌龍蝦湯牛角包啦！一切開牛角包，滿滿的龍蝦湯流出來，麵包沾著龍蝦湯食簡直係一大享受。我覺得牛角包唔算太厚/實，好處就係可以當starter食，食完都仲有quota叫其他野!原價 HK$58
之後點左兩個main course，分別係慢煮beef cheek配炸芋頭絲+黑蒜薯蓉。牛面頰好入味，入口即溶，非常滋味！薯蓉唔算太重味，但亦都因為咁覺得無咁肥膩。炸芋頭絲好特別，香脆的口感同牛面頰形成強烈的對比。原價HK$178
另外叫左個慢煮雞胸risotto +另加流心蛋。慢煮雞胸絕對抵贊，完全顛覆了雞胸口感好“鞋”好幹的印象。呢度既慢煮雞胸煮得非常嫩滑，唔幹之餘竟然還非常juicy！而risotto係superfood，即係唔係用一般的意大利米飯煮，而是用藜麥同生熟薏米煮，以為好粗好難落口嗎？絕對唔會！而且比米飯更有飽足感，唔似一般risotto成日令人覺得唔夠飽，到喉唔到肺。而個sauce係用奶油瓜煮的，即係butter squash，比南瓜更貴更甜。我唔係100%肯定到底有無cream，但係就算有，亦都只係少量因為奶油瓜本身已經好creamy好鮮甜，亦都因為咁，我食得好安心（因為keep fit 係要長期作戰架嘛！）原價HK$138
最後DC先生order左個真空慢煮cheese cake，DC先生一向對cheese cake 要求好高，so far 得文華餅店可以滿足到他。但呢間的cheese cake 他都有喜出望外的感覺，話d cheese 好好好滑，亦夠實（DC先生好唔中意soft cheese），同埋唔會太甜！原價HK$68
成餐飯由starter食到去dessert減完都係around HK$275，性價比真係無得頂！大家有機會一定要去試下！
张贴
