豚王 (V Point) (已結業)

早前同朋友去豚王食拉麵，見到新推出W杯 · 限定外帶麵組合，於是就買左一組番屋企🤣入面有豚王一杯兩組、黑王一杯一組、赤王一杯一組同札幌啤酒四罐，拎番屋企個時都覺得手攰，幾重下嫁🤣而豚王用左FIFA別注版保溫袋，又靚又實用👍🏻番到屋企就忍唔住想試下煮，打算煮比屋企人食，於是煮左黑王同赤王入面材料包除左麵同湯外，仲有秘製肉醬同叉燒，而且煮用方法幾簡單👍🏻👍🏻我仲偷偷加左溏心蛋添🤭味道同係店鋪入面食差唔多，真係係屋企都可以食到拉麵留左兩組豚王等世界盃開始時，夜晚宵夜肚餓煮黎食，而且個組合仲有四罐啤酒，真係好岩睇波👍🏻👍🏻一邊睇波 一邊食拉麵 一邊飲啤酒 好爽！！