佳記雞煲小廚 (已結業)

近排stay home 抗疫，又唔敢出街做邊爐家族，見到佳記提供既外賣雞煲，即刻嗌返個俾屋企人試下😋 一送到黎果下真係嚇親，完全估唔到會咁多野，非常震撼，都好興奮😘3-5人餐 藥膳花雕雞煲 ($698)最想介紹既係隻雞浸左係個湯咁耐，估唔到仲可以keep到咁滑，本身仲怕唔夠一家四口食，原來湯底備份入面竟然仲有堆肉！除左雞, 套餐仲包埋肥牛同西班牙黑毛豬 - 兩款肉都係大大份，肥牛都唔係普普通通果種美國肥牛，牛味都好重好香！最估唔到係竟然有蠔食！仲要好似條舌咁大條！同埋1d都唔腥😋除此之外,仲有手打墨魚滑, 餛飩韮菜餃, 雜丸什菜什瓜, 炸魚皮一大包,響鈴,薯粉同凍稻庭烏冬 - 其他邊爐既配料其實都係水準或以上!!!😋估唔到呢排可以係屋企食個咁好食 又咁方便既邊爐外賣，完全係癲覆左我對邊爐既印象，平時怕麻煩同怕去買餸既我，終於搵到solution la!!😍😍