古琴雅苑 (QRE Plaza)

营业中

休息中

疫情下冇得外出食飯，又突然好想食北京填鴨，所以呢日就去左古琴雅苑買外賣。原來佢哋而家外賣自取有68折，仲有多款外賣自取套餐。我就叫左3-4人餐，$555有埋烤鴨真係好抵食！3-4人餐：雞絲粉皮金銀炒鱔糊烤北京填鴨半隻帶子賽螃蟹干煸四季豆古琴鴨肉炒飯腰果露4位雖然係外賣，但烤鴨味道一點也不比堂食差！鴨皮香脆，鴨肉嫩滑亦冇鴨羶味，油香豐富，但又不覺很肥膩，配上甜酸醬，令人不禁一口接一口。而古琴鴨肉炒飯就用左片皮鴨的鴨肉炒成，粒粒分明又唔會太油，每一口都充滿鴨香味。另一推介係帶子賽螃蟹，帶子爽口彈牙，雞蛋口感滑嫩，唔加醋都已經好夠味！最後來個香滑腰果露，呢餐真係大滿足！