影片
更多
2017-04-27
252 浏览
日本菜一向係我嘅最愛之一，某幾間日本壽司店相當出名，今晚就去試其中一間名為壽司源發辦壽司店。與朋友點了一個$1200餐單，先由前菜起慢慢享受.....酸醋浸髮菜，除咗令人開胃之外，醋嘅味道與髮菜完美地混合在一起。島根縣生蠔，生蠔除咗大嚿之外，我呢個對生蠔好挑剔嘅人，食落去都搵唔到有瑕疵嘅地方，隻生蠔除咗海水味十足之外，師傅放落去嘅日本蔥花配搭埋一齊令到生蠔嘅腥味完全冇晒食落去好新鮮味道更加是一流。師傅安排嘅主食係由淡味既魚至濃味既魚咁上，主菜真鯛（𩶘魚），師傅係刺身上放咗即磨嘅山葵之外更加左幾滴日本豉油用作調味，令到𩶘魚本身較爽口既肉質提升左更加多嘅層次。春子鯛，師傅加左紫蘇花，唔好睇小紫蘇花嘅威力，加左柴蘇花之後嘅壽司味道同埋香味提升咗一個層次。北極貝壽司，師傅係整呢個北極貝之前首先將北極貝撻落枱面之後就叫我地快啲食咗佢，佢話咁樣係整醒北極貝嘅神經，令到北極貝嘅肉質更彈牙，更有咬勁。牡丹蝦壽司嘅食法係我從來未食過嘅，師傅將左牡丹蝦嘅蝦膏拎左去燒，然之後再將佢擺咗喺牡丹蝦壽司嘅上面，我個人唔係甘鍾意食蝦膏嘅，經過今次嘅食法之後我對蝦膏嘅睇法唔同咗。之後師傅俾咗我哋食係油鯛，師傅話依條魚
與朋友點了一個$1200餐單，先由前菜起慢慢享受.....
酸醋浸髮菜，除咗令人開胃之外，醋嘅味道與髮菜完美地混合在一起。
島根縣生蠔，生蠔除咗大嚿之外，我呢個對生蠔好挑剔嘅人，食落去都搵唔到有瑕疵嘅地方，隻生蠔除咗海水味十足之外，師傅放落去嘅日本蔥花配搭埋一齊令到生蠔嘅腥味完全冇晒食落去好新鮮味道更加是一流。
師傅安排嘅主食係由淡味既魚至濃味既魚咁上，主菜真鯛（𩶘魚），師傅係刺身上放咗即磨嘅山葵之外更加左幾滴日本豉油用作調味，令到𩶘魚本身較爽口既肉質提升左更加多嘅層次。
春子鯛，師傅加左紫蘇花，唔好睇小紫蘇花嘅威力，加左柴蘇花之後嘅壽司味道同埋香味提升咗一個層次。
北極貝壽司，師傅係整呢個北極貝之前首先將北極貝撻落枱面之後就叫我地快啲食咗佢，佢話咁樣係整醒北極貝嘅神經，令到北極貝嘅肉質更彈牙，更有咬勁。
牡丹蝦壽司嘅食法係我從來未食過嘅，師傅將左牡丹蝦嘅蝦膏拎左去燒，然之後再將佢擺咗喺牡丹蝦壽司嘅上面，我個人唔係甘鍾意食蝦膏嘅，經過今次嘅食法之後我對蝦膏嘅睇法唔同咗。
之後師傅俾咗我哋食係油鯛，師傅話依條魚係細魚，呢隻魚嘅肉質就好似油甘魚加𩶘魚既感覺，我個人好鍾意呢味主菜大拖羅, 入口即溶就好似化開左一樣，吞落肚之後，味道仲留左係口裡面久久都不散開。
天然野生中拖羅,無大拖羅果種入口即化,無大拖羅溶化既速度，但係比左你咀嚼既空間，更加可以食真個味道。
鯖魚卷，除左鯖魚本身有既濃味之外，紫菜既突出更令我感到意外，鯖魚與紫菜的配搭產生了不同的口感和味道。
张贴
