影片
更多
2021-07-10
31 浏览
疫情都差唔多已經有兩年，一直都只可以留喺香港去唔到旅行😔 周圍食好西變咗每星期嘅指定活動！今日係土記搵到間好高質嘅日本餐廳，順便懷念吓日本料理嘅風味～我今晚同朋友嚟咗位於土瓜灣譚公道嘅「夢の丼」！成日經過但仲未入過去食，估唔到土記有咁高質嘅日本料理🤭😋餐廳內部都頗有格調，燈光係偏暗少少，己有氣氛嘅！餐廳有吧枱位，四五個座位到啦，可以睇住師傅即叫即整嘢食嘅！我同朋友就安排咗坐去入邊嘅四人枱，空間都闊落，環境都乾淨企理！坐低咗無耐餐廳職員就幫我哋斟茶同埋同我哋介紹是日嘅飛機貨，另外仲推介左期間限定優惠，今期做緊「花錦魚生丼」半價，原價$188，呢加$94就食到，我地緊係唔會執輸啦😛 最後我哋叫咗兩個丼飯，同埋幾款小食刺身同壽司🍣點完餐冇耐，餐廳職員馬上就為我哋奉上麵豉湯同埋醃青瓜做前菜！麵豉湯嘅味道正正常常，但係佢個麵豉湯夠熱就真係抵讚！一般出去食日本餐廳佢哋嘅麵豉湯都只係暖，而夠熱嘅麵豉湯先會飲得出香味同開到胃！夢の丼 — $298呢個丼飯顧名思義係呢間日本餐廳嘅signature dish啦! 非常足料，上面有唔同嘅材料鋪到滿晒，滿到根本見唔到啲飯！材料包括有三文魚蓉、三文魚子、帆立貝
我今晚同朋友嚟咗位於土瓜灣譚公道嘅「夢の丼」！成日經過但仲未入過去食，估唔到土記有咁高質嘅日本料理🤭😋
餐廳內部都頗有格調，燈光係偏暗少少，己有氣氛嘅！餐廳有吧枱位，四五個座位到啦，可以睇住師傅即叫即整嘢食嘅！我同朋友就安排咗坐去入邊嘅四人枱，空間都闊落，環境都乾淨企理！
坐低咗無耐餐廳職員就幫我哋斟茶同埋同我哋介紹是日嘅飛機貨，另外仲推介左期間限定優惠，今期做緊「花錦魚生丼」半價，原價$188，呢加$94就食到，我地緊係唔會執輸啦😛 最後我哋叫咗兩個丼飯，同埋幾款小食刺身同壽司🍣
點完餐冇耐，餐廳職員馬上就為我哋奉上麵豉湯同埋醃青瓜做前菜！麵豉湯嘅味道正正常常，但係佢個麵豉湯夠熱就真係抵讚！一般出去食日本餐廳佢哋嘅麵豉湯都只係暖，而夠熱嘅麵豉湯先會飲得出香味同開到胃！
夢の丼 — $298
呢個丼飯顧名思義係呢間日本餐廳嘅signature dish啦! 非常足料，上面有唔同嘅材料鋪到滿晒，滿到根本見唔到啲飯！材料包括有三文魚蓉、三文魚子、帆立貝、 海膽、牡丹蝦、右口魚邊、仲有松葉蟹肉！至於佢哋個飯係用日本嘅七星米，仲免費幫我哋升級左做赤醋飯添！所有材料都非常新鮮，每一樣都係好好味😋
期間限定半價優惠「花錦魚生丼」— $94
又係非常之足料！呢個魚生丼中間嗰粒蛋黃真係做到畫龍點睛嘅效果，令到每一啖飯都有蛋香味！
蟹膏豆腐 — $68
豆腐師傅應該用火槍燒過有少少焦香，但係食落都係好腍滑，再加上上面嘅蟹膏鹹香同埋蔥花，好match呀！
慢煮鮑魚配肝醬 — $68
呢個鮑魚煮到啱啱好好腍好軟熟，另外初初睇個色以為肝醬會好苦會好腥，點知原來味道係偏淡，有少少鮮甜味，同個鮑魚都幾夾嘅！
另外叫咗兩款飛機貨嘅刺身：深海池魚 （左）同埋赤鯥魚（右），各$68
深海池魚肉質細緻，入口好爽脆同埋帶油份，好正！至於赤鯥魚，我第一次食，食落去唔似深海池魚咁爽口，但係油份更高，加上師傅用火槍辣過魚皮，更加逼出魚油香😍
左口魚邊壽司 — $96估唔到壽司都係用赤醋飯！左口魚邊油脂極重極香，基本上真係入口即溶，好正！
张贴
