夢の丼 (已結業)

收工同朋友去左土瓜灣，就搵左間餐廳食日本菜😆。🥗🥣首先一坐低就有一份沙律同味噌，沙津酸酸地好開胃。🍣小食叫左蟹膏豆腐，磯燒帆立貝，深海池魚刺身，鯖魚刺身同埋左口魚邊壽司。蟹膏味道濃郁，刺身都有輕輕火炙一下，好新鮮！🍚主食方面，首先係夢之丼，入面有蝦，帆立貝，吞拿魚蓉，海膽等等，魚生量十足！另外食之前要飲一啖柚子汁，會開胃啲，好特別！🍥另外就係花錦魚生丼，入面有三文魚，蟹肉，三文魚子等等，仲有青瓜同蛋黃拌住食，覺得食落比較開胃，而且啖啖都有魚生👍🏽。