8度餐廳

住了土瓜灣咁多年，都冇試過來到這裡吃自助餐。爸爸吃過一次後，大力推薦，價錢平又多選擇，最重要食完又可以行番屋企，做下運動，食到幾飽都唔驚。海鮮的選擇非常多，重要係四百一位的自助餐竟然有蠔食，我足足食左半打，就是吃蠔都值回原價。另外我喜歡青口，蝦，長腳蟹和翡翠螺，全部都是質素高，雖然唔多，但款款高質。籠仔蒸海鮮的選擇很多，加上那個特別的辣醬更是非常開胃。沙律和甜品都是正常質素，選擇也很多，最重要是不要錯過那個芒果拿破崙，絕對是不可以錯過的。刺身選擇我最喜歡白身魚和北寄貝，但聽朋友說之前刺身選擇更多。熱食都有很多，牛扒非常好味，遲少少都會食唔到。整體來說，以這個價錢好抵食，絕對是土瓜灣街坊的選擇。