麵麵香

营业中

休息中

麵麵香係喺土瓜灣新開嘅一間麵店，聽講老闆娘係重慶人，雖然分開，但係見到老闆娘同啲熟客仔已經打成一片，似乎區內街坊都經常嚟呢度食嘢，證明呢間舖頭都幾受歡迎喎，不過受歡迎都唔係冇原因嘅，畢竟呢間餐廳嘢食落足料，雖然舖頭唔係好多員工，主要都係靠老闆娘一個人，不過出品質素有保證，老闆娘話除咗啲米線之外，全部都係新鮮食材！！新鮮嘅嘢一定係比較正，不過成本一定比較高，但係小編就覺得啲嘢食嘅價錢唔算太貴，睇埋個份量之後就覺得直頭係物有所值！！！佢地主打重慶特色嘅泡椒麵同埋罐罐米線，辣得夠勁又夠味，小編驚碗麵太辣，老闆娘話： 唔使擔心～ 小編唔係特別超級食得辣，但係都覺得接受到喎！！.🐷泡椒黃喉麵黃喉爽脆彈牙，泡椒湯底酸辣開胃，辣度夠勁但唔會搶走食材鮮味！呢碗小編就轉咗做米線，啲米線吸足湯汁，整體口感層次豐富～🐷泡椒鱔絲麵鱔絲滑嫩帶嚼勁，配搭酸辣泡椒醬汁，辣中帶鮮，香氣十足聽講麵條係新鮮嘅，難怪個口感特別彈牙，食落刺激又過癮。🐷桂花冰粉食辣嘢又點可以唔食返啲冰粉？ 入口滑溜～ 桂花香氣清新淡雅，甜度適中，冰涼解辣，係食完辣麵後嘅完美甜品，清新又解渴。.麵麵香📍土瓜灣馬頭角道53號地舖.#吃貨日常 #香