稻香超級漁港 (已結業)

年三十晚同屋企人黎德福廣場稻香食團年飯，我地6點半就開餐 一行5人叫左半席 $1388，以為會食剩好多，點知差不多食曬~菜單D字打橫好難睇~鴻運乳豬拼盤乳豬夠脆，燒鵝、叉燒都好味~每人一件仔好快食完~沙薑穗香雞沙薑味唔算濃，肉質算嫩滑~酥炸奇脆球外面熱辣香脆，內面係冇乜味既蝦魚肉~碧綠元貝雪花蚌翆玉瓜水潤多汁，元貝細細粒味道唔錯~上湯淡水龍蝦球伊麵令人失望的一道菜，大家睇錯以為係龍蝦伊麵~蝦球味淡，個汁亦唔好味~紅燒花膠雞絲翅夠足料足量~清蒸花尾斑火喉唔夠，肉唔夠嫩滑~金錢玉掌鮮蔬冬茹好難食!臘味糯米飯甘香煙韌，讚 !