金城小廚 (已搬遷) 新店位置

好在一早訂咗枱 唔係都幾難喺度食飯 我哋成家一共十幾人食團年飯 這裏本來係大牌檔出身 因為政府要取締大牌檔 而家搬咗入舖 我哋嗌咗超多嘢食 有鹽焗雞一隻 鹹度ok 雞肉嫩滑 燒鵝一隻 這裏燒鵝好出名 皮香肉嫩 極度推介 煎釀三寶佢哋唔係用鯪魚肉 而係用蝦膠 蝦膠好彈牙 加埋d豉汁 非常好食 竹笙伴生菜 應該用鹽水灼過 幾清幾特別 椒鹽鮮魷x2 因為好食 不消一會搶哂以嗌多碟 鮮魷用薄粉嚟炸 d粉啱啱好 好香口 唔似得酒樓食到成口粉 四隻乳鴿 這裏d煎炸嘢好出色 乳鴿亦唔例外 皮脆肉嫩 可惜無提供淮鹽 如果唔係仲好食 豆腐煲比較差 冇乜味 只屬一般 除咗d餸好食之外 佢哋食晚飯係有甜品送 有芒果腸粉 啫喱 西米布甸 芒果腸粉好滑 芒果又夠甜 好過好多甜品舖 我最重意係西米布甸 佢有紅豆喺入面 好好食