影片
更多
2022-08-31
61 浏览
之前試過ATUM Group 旗下其他餐廳，覺得環境同食物都不錯，今次就去試試佢哋呢間主打新派東南亞菜嘅餐廳。.🍖 泰北酸肉香腸 $68之前食泰國菜比較少有酸肉香腸，所以要試吓。炸過嘅香腸外皮脆脆地，肉質似臘腸或者台灣腸嘅口感，酸味溫和帶點微辣。.🐮 馬薩拉香料牛肉咖喱 $128味道同平時食到嘅泰國咖喱有啲唔同，咖喱充滿混合香料嘅味道，濃稠辛香帶辣。牛肉肉質軟腍，其他配料仲有腰果、蓮藕、秋葵、茄子、薯仔等，好豐富！.🫓 油酥手抓薄餅 $52唔係一般扁扁嘅油酥餅，脹卜卜充滿空氣感，外皮酥脆內鬆軟，沾上咖哩一齊食真係絕配。.🦀 藍蝶花蟹肉菠蘿炒飯 $138顏色同擺盤都好吸睛，飯粒染上藍蝶花嘅顏色，配上蟹肉、蛋絲、提子乾、菠蘿肉，再加埋伴碟嘅肉鬆、腰果等，口感非常豐富。最鍾意仲有原件燒菠蘿，又甜又多汁！.🍌 香蕉薄餅 $78 薄餅口感煙煙韌韌，邊位煎到脆脆地，香蕉夠熟夠甜，加埋朱古力醬同煉奶，好有泰國夜市風味！. 🥥 蝶豆花椰子奶蓋 $48顏色夢幻如藍天白雲，飲落椰味香濃，蝶豆花味道就唔太突出。 .總括而言：餐廳裝修走清新園林風，柔和自然色調加上落地玻璃窗，環境開揚舒適。整體食物幾有創意，喺
.
🍖 泰北酸肉香腸 $68
之前食泰國菜比較少有酸肉香腸，所以要試吓。炸過嘅香腸外皮脆脆地，肉質似臘腸或者台灣腸嘅口感，酸味溫和帶點微辣。
.
🐮 馬薩拉香料牛肉咖喱 $128
味道同平時食到嘅泰國咖喱有啲唔同，咖喱充滿混合香料嘅味道，濃稠辛香帶辣。牛肉肉質軟腍，其他配料仲有腰果、蓮藕、秋葵、茄子、薯仔等，好豐富！
.
🫓 油酥手抓薄餅 $52
唔係一般扁扁嘅油酥餅，脹卜卜充滿空氣感，外皮酥脆內鬆軟，沾上咖哩一齊食真係絕配。
.
🦀 藍蝶花蟹肉菠蘿炒飯 $138
顏色同擺盤都好吸睛，飯粒染上藍蝶花嘅顏色，配上蟹肉、蛋絲、提子乾、菠蘿肉，再加埋伴碟嘅肉鬆、腰果等，口感非常豐富。最鍾意仲有原件燒菠蘿，又甜又多汁！
.
🍌 香蕉薄餅 $78
薄餅口感煙煙韌韌，邊位煎到脆脆地，香蕉夠熟夠甜，加埋朱古力醬同煉奶，好有泰國夜市風味！
.
🥥 蝶豆花椰子奶蓋 $48
顏色夢幻如藍天白雲，飲落椰味香濃，蝶豆花味道就唔太突出。
.
總括而言：餐廳裝修走清新園林風，柔和自然色調加上落地玻璃窗，環境開揚舒適。整體食物幾有創意，喺傳統東南亞菜式中加入新元素，啱晒鍾意新鮮感嘅朋友(●'◡'●)ﾉ
张贴
