影片
更多
2011-07-21
19 浏览
承上回，今次來一風堂已經正式開業第二天，再來一次竟然感受了一次意想不了的驚喜！其實驚喜並不是話有咩新野，需然菜牌已經比上個禮拜加多左好多野。這一夜，我倆口子各點一碗白丸麺同share叉燒角煮包。個角煮包好正，但入口時硬係覺得好似板燒雞腿包，d沙律醬落太多啦，但都係覺得好食，好奇怪同矛盾的感覺.....點都好，重點係個麺...食第一啖面已經感覺到同上個禮拜試業差好遠！麺係索左湯口既味道發出香濃豬骨味而同時唔會發水，令人有越食越想食口既感覺！每一口麺，索索聲地，大啖地吸入口内，就係這樣不留情面地食，口内立即浮現出湯底口既豬骨精華！我相信個麺係統一貨源，同上個禮拜應該不會有分別，分別係個湯經過師傅一輪熟習環境後發揮出一風堂個recipe應有之威力！第一啖同最後一啖麺口既味道同質感係一樣的，代表個麺只吸收豬骨湯精華而一直都無發水，究竟點先可以做到呢個境界？我好快已經將一碗麺索曬落肚，超級未夠喉，真係好對唔住外面等緊口既人，我加了一個麺...麺來的時候，我先乾吭一啖嘗試記錄這正宗硬身拉麵的原來味道。原來同廣東炒麵d麵身好接近，但這種麺我就係唔太中意乾吭，因爲有種令人十分容易飽肚的感覺。放落湯後，
其實驚喜並不是話有咩新野，需然菜牌已經比上個禮拜加多左好多野。這一夜，我倆口子各點一碗白丸麺同share叉燒角煮包。
個角煮包好正，但入口時硬係覺得好似板燒雞腿包，d沙律醬落太多啦，但都係覺得好食，好奇怪同矛盾的感覺.....
點都好，重點係個麺...
食第一啖面已經感覺到同上個禮拜試業差好遠！麺係索左湯口既味道發出香濃豬骨味而同時唔會發水，令人有越食越想食口既感覺！每一口麺，索索聲地，大啖地吸入口内，就係這樣不留情面地食，口内立即浮現出湯底口既豬骨精華！我相信個麺係統一貨源，同上個禮拜應該不會有分別，分別係個湯經過師傅一輪熟習環境後發揮出一風堂個recipe應有之威力！第一啖同最後一啖麺口既味道同質感係一樣的，代表個麺只吸收豬骨湯精華而一直都無發水，究竟點先可以做到呢個境界？
我好快已經將一碗麺索曬落肚，超級未夠喉，真係好對唔住外面等緊口既人，我加了一個麺...
麺來的時候，我先乾吭一啖嘗試記錄這正宗硬身拉麵的原來味道。原來同廣東炒麵d麵身好接近，但這種麺我就係唔太中意乾吭，因爲有種令人十分容易飽肚的感覺。放落湯後，最初也是不太突出，只有點微弱鹼水味。但過了1分鐘，當湯味逐步走入麵條後，剛剛天上人間的美味又再次出現！如是者，索下索下，2分鐘又再索完一碗麺！此時此刻，我是應該交出我個位比下位的，但我依然捨不得咕個湯落肚....外面排隊口既人，我再次向您們講聲對唔住！我又要再次加麺啦！
係這個短短口既等候時間，我怕個湯會太凍，趕緊認真的先飲番淡。此時個湯其實已經得番原本一半口既溫度，已經開始有層膠係湯面形成。係呢個時候，就係考驗個湯口既時候啦，如果差口既湯，就會好似攤凍左口既忌廉湯一樣口甘難飲。但係我眼前口既湯，經過冷卻同凝結後，所表現口既係另一種層次，猶如燉魚翅個湯一樣口甘甘香！
又過了2分鐘，第2個後加面已經比我索埋，決定停手，然後二話不説就一口氣咕埋個湯落肚。真係好飽，但飽口既感覺並未隨時間增加，再次證明個面本身無發水，一流！
終于講到叉燒啦。今次叉燒肉質有進步，肥瘦分明，肉質嫩滑，但這種因爲個別豬身不同的變化（人有肥瘦，豬都有），遇到好豬的時候我只會覺得本日有食神。味道方面，今天是有失準。豬肉調味時重手了？定腌得太耐？總之太咸。
但這小小瑕疵早已被今天的喜悅掩蓋！
想來一試的朋友請注意！無論閣下最終食後感同我一致與否，總之未試而又很想一試，而又怕等位的朋友，可以考慮同閣下之愛人暫時分手。我今天640到歩，叫到46號飛，我拿96號飛，等左1個鐘。期間，有好幾個單拖口既客人拿比我大好多號（eg180號）係一到就直入。需知道這裡d飛沒話分唔同人數唔同飛。所以，爲了一嘗這極品美味，暫時single 都係口甘話！
好彩，進食途中聽到部長放風話銅鑼灣店大概10月開張，到時尖沙嘴店排隊情況應該無口甘誇張。
是夜，我超累，但多得一風堂，我重拾力量。給他們這個喊，是因爲當我在考慮是否應該買平機票去大阪探訪久違了的我最喜愛的拉麵先生時，今晚這個麺另我有尋找到他鄉的故事之感覺，我感動到喊。
张贴
