香港永年車仔麵茶冰廳

营业中

休息中

牛油果薯仔蝦沙律，擺盆睇落好吸引，蝦肉有彈性，唔會爛爛果種。入面有啲蛋沙律薯蓉，沙律醬好充足。美國極佳級封門柳熱辣辣嘅鐵板牛柳肉，加上醬汁香噴噴味道令人食指大動，揀左五成熟肉質軟硬啱啱好。永年辣牛腩，雖然話係辣牛腩，但唔算辣，只係少少辣味令牛肉無咁腥，牛腩煮得好霖。抺茶紅豆冰幾好飲，綠茶嘅苦味令紅豆無咁甜，兩者原來配合得幾好，另外懷舊蝦多士炸到好脆牛三寶同牛腩一樣，想有唔同肉質選擇可以揀呢款。食左咁多肉，最後叫左熟蝦醬通菜嚟補充啲纖維