影片
更多
2014-02-26
2799 浏览
朋友話有人介紹佢食此店嘅吉列豬排, 話好好食, 但好貴, 於是相約一齊去食. 見到餐牌個價錢, 又真係好貴, 我之前都曾食過呢類型店舖嘅吉列豬排, 價錢冇咁貴, 但就覺得個間唔好食, D食物又唔夠熱, 之後冇再幫襯呢類食店, 不過此店總算冇令我失望.大家叫咗唔同款嘅套餐, 等食主餐時, 先嚟2大盤生菜絲: 生菜絲刨到好幼身, 食落好爽口, 配埋芝麻醬加小小醋後, 食落令到人好開胃.另外重有小食: 青瓜片好爽甜, 同埋D羅蔔粒味道有小小似菜埔, 甜甜哋, 全部都係開胃小食.主菜嚟到, 影相後大家互相試食對方小小食物, 一於試吓邊樣最好味.所有吉列食物, 都炸得好鬆脆, D麵包糠好香, 但雞排同豬排冇醃過, 所以冇味, 一定要點芝麻加燒汁食.咖哩雞排 : D咖哩汁好香濃, 小小辣味, 但雞排就普通, 係鬆軟但唔滑亦冇雞味, 同埋D肉質好嚡.我地5個餐之中, 最好味係我Honey個套餐 (滑蛋豬排鍋), 不但滑蛋好香, 有蛋味, D豬排最鬆軟, 最滑, 加埋D甜甜哋嘅汁好好味.另外朋友個豐盛套餐 : 吉列炸蝦最好味, 隻蝦好爽亦有蝦味, 吉列豬柳包住小小沙律醬, 好似食緊沙律海鮮卷, 都算好
大家叫咗唔同款嘅套餐, 等食主餐時, 先嚟2大盤生菜絲: 生菜絲刨到好幼身, 食落好爽口, 配埋芝麻醬加小小醋後, 食落令到人好開胃.
另外重有小食: 青瓜片好爽甜, 同埋D羅蔔粒味道有小小似菜埔, 甜甜哋, 全部都係開胃小食.
主菜嚟到, 影相後大家互相試食對方小小食物, 一於試吓邊樣最好味.
所有吉列食物, 都炸得好鬆脆, D麵包糠好香, 但雞排同豬排冇醃過, 所以冇味, 一定要點芝麻加燒汁食.
咖哩雞排 : D咖哩汁好香濃, 小小辣味, 但雞排就普通, 係鬆軟但唔滑亦冇雞味, 同埋D肉質好嚡.
我地5個餐之中, 最好味係我Honey個套餐 (滑蛋豬排鍋), 不但滑蛋好香, 有蛋味, D豬排最鬆軟, 最滑, 加埋D甜甜哋嘅汁好好味.
另外朋友個豐盛套餐 : 吉列炸蝦最好味, 隻蝦好爽亦有蝦味, 吉列豬柳包住小小沙律醬, 好似食緊沙律海鮮卷, 都算好味, 只係忌廉蟹肉餅麻麻地, 食唔出有蟹味.
题外话/补充资料：
價錢較其他同類型店舖貴, 但都值得一試, 服務員態度亦好好, 會教埋你點樣食, 邊樣食物配乜嘢汁, 最緊要佢地唔好加價, 都免強食得過, 只係偶然食一次, 唔好睇價錢, 會食得開心D, 下次會再試吓其他套餐.
(以上食记乃用户个人意见 , 并不代表OpenRice之观点。)
张贴
