影片
更多
2018-11-28
6732 浏览
香港啲日式放題開到成行成市，廣受年青人愛戴，而Buffet 呢個字响年青嗰一輩就好少提起！其實坊間放題都$3XX 食得2粒鐘，趕到死！加多少少去酒店食 buffet 就可以慢慢歎，都抵嘅！今日託貴人鴻福有人請客，一於show 吓我啲食力先💪！Cafe East 地方唔算好大，但枱與枱之間非常寬敞，就算經常行出行入攞嘢食都唔怕撞到隔離枱 場內分咗幾個食品區，有沙律冷盤區，壽司刺身區，熱葷區，鐵板燒區，粉麵區，甜品區。冷盤區有凍海鮮（長腳蟹、海蝦、開邊龍蝦、貝殼類）- 龍蝦肥美，蝦膏又多又香，食兩隻係基本！- 海蝦大大隻，鮮甜爽口又彈牙，食半打濕濕碎啦！- 上海冷盤小碟有涼瓜、豆腐、溏心蛋、小冷麵，細細一碟又可以多試幾款！沙律方面，推介大蝦小八爪魚沙律拌橄欖油，除咗用少少鹽同胡椒粉調味外，啖啖都係鮮！鮮！鮮！刺身壽司水準一般，不如留肚食鐵板燒啦！鐵板燒有蝦、三文魚扒、和牛扒、羊架即叫即燒！- 大海蝦用牛油蒜蓉一齊煎，香到不得了！- 牛扒亦煎得剛好，牛味濃郁唔駛醮汁已經夠味- 羊架肉質鮮嫰，冇羶味，我見好多人都一次點兩件以上！- 如果唔想等，鐵板燒旁邊亦有已經燒好嘅烤牛肉、豬肋骨、蜜糖燒雞鎚
Cafe East 地方唔算好大，但枱與枱之間非常寬敞，就算經常行出行入攞嘢食都唔怕撞到隔離枱
場內分咗幾個食品區，有沙律冷盤區，壽司刺身區，熱葷區，鐵板燒區，粉麵區，甜品區。
冷盤區有凍海鮮（長腳蟹、海蝦、開邊龍蝦、貝殼類）
- 龍蝦肥美，蝦膏又多又香，食兩隻係基本！
- 海蝦大大隻，鮮甜爽口又彈牙，食半打濕濕碎啦！
- 上海冷盤小碟有涼瓜、豆腐、溏心蛋、小冷麵，細細一碟又可以多試幾款！
沙律方面，推介大蝦小八爪魚沙律拌橄欖油，除咗用少少鹽同胡椒粉調味外，啖啖都係鮮！鮮！鮮！
刺身壽司水準一般，不如留肚食鐵板燒啦！鐵板燒有蝦、三文魚扒、和牛扒、羊架即叫即燒！
- 大海蝦用牛油蒜蓉一齊煎，香到不得了！
- 牛扒亦煎得剛好，牛味濃郁唔駛醮汁已經夠味
- 羊架肉質鮮嫰，冇羶味，我見好多人都一次點兩件以上！
- 如果唔想等，鐵板燒旁邊亦有已經燒好嘅烤牛肉、豬肋骨、蜜糖燒雞鎚，啱晒食肉獸！
粉麵區入面有原盅燉湯（今日係茶樹菇花膠螺頭燉湯），對於長期缺乏湯水嘅我哋，真係絕對絕對絕對唔可以錯過！
燉湯對面係熱葷區，主打係東南亞美食有廣式燒味，燒乳鴿，北京填鴨、炆鮑魚花膠、仲有印度咖哩＋烤餅、新加坡肉骨茶、日本關東煮……
- 乳鴿肉質比 BB 鴿粗糙啲，但勝在多啲肉同埋肉味濃啲。
- 印度咖哩香辛味濃，配埋烤餅係完美配搭
- 新加坡肉骨茶胡椒味重啲，藥材味輕啲，比馬來西亞肉骨茶清爽啲啲。
食到咁上下就要去甜品區行吓喇！甜品响成個 buffer 入面嘅重要程度僅次於海鮮/主食，出色嘅甜品絕對吸引回頭客！今晚嘅甜品都非常出色。
- 濱城薄餅係懷舊小食，以前啲小販車仔檔都有賣，用平底鑊仔煎出又薄又脆嘅薄餅，配花生碎椰絲砂糖對摺成半圓形，又甜又脆！如果配雪糕就冰火口感滋味無窮❤️
- 疏乎厘小班戟配鮮果香草汁，呢款甜品係近期人氣急升，今日唔駛排隊就食到
- 雪糕方面有我至愛嘅 Häagen-Dazs 仲有8款咁多！
- 其他甜品方面，芝士撻，葡撻都好香，而蛋糕甜品方面就有乜選擇，希望下次有多啲蛋糕啦！
最後講吓服務，真係非常貼心，全晚開心寫意又滿足！我要快啲 book定下次至得！
张贴
